विरार ः वन विभागाच्या अखत्यारित येणार्या प्रसिद्ध तुंगारेश्वर डोंगरावर दरवर्षी हजारो भाविक भेट देतात. येथे येणार्या श्रध्दाळूंना आतापर्यंत ठराविक प्रवेश शुल्क भरावे लागत होते. मात्र श्रावण महिन्याच्या पार्श्वभूमीवर भाविकांची होणारी गर्दी लक्षात घेऊन यंदा शासनाने मोठा निर्णय घेतला आहे. या निर्णयानुसार श्रावण महिन्यात तुंगारेश्वर येणार्या भाविकांकडून कोणतेही प्रवेश शुल्क घेतले जाणार नाही.
तुंगारेश्वर डोंगरावर पूर्वीच्या काळात श्री शंकराचे एक प्राचीन मंदिर आहे. दरवर्षी श्रावण महिन्यात हजारो भाविक तिथे दर्शनासाठी गर्दी करतात. याशिवाय, तिथे भक्तांसाठी महादेवाची गीते आणि भजने गात भाविक उत्साहाने पूजेसाठी येतात. वसई तालुक्यातील हा धार्मिक स्थळ पर्यटक व भक्तांसाठी महत्वाचा आहे.
सुमारे 2000 फूट उंचीवर असलेल्या या डोंगरावर पायी चढून पोहोचावे लागते. म्हणूनच वन विभागाकडून देखभाल आणि व्यवस्थापनासाठी प्रत्येक व्यक्तीकडून 21 रुपये शुल्क आकारले जात होते. मात्र भाविकांची श्रावण महिन्यात होणारी वाढती गर्दी लक्षात घेता हे शुल्क या महिन्यात तात्पुरते रद्द करण्यात आले आहे.
अलीकडेच वन मंत्री गणेश नाईक आणि स्थानिक आमदार यांनी भाविकांच्या मागणीकडे लक्ष देत तत्काळ निर्णय घेतला. त्यांनी श्रावण महिन्यात प्रवेश शुल्कातून सूट देण्याचे आदेश दिले. त्यामुळे अनेक श्रद्धाळूंना दिलासा मिळाला आहे आणि धार्मिक भावना अधिक बळावल्या आहेत.
तुंगारेश्वर वनक्षेत्र हे संरक्षित क्षेत्र असून येथे पर्यावरणीय संवर्धनाचे मोठे काम वन विभाग करत असतो. त्यामुळे भाविकांनी परिसरात प्लास्टिक व कचरा न टाकता स्वच्छतेची काळजी घ्यावी, असे आवाहनही प्रशासनाकडून करण्यात आले आहे. श्रावण महिन्यात अधिकाधिक भाविक येतील, असा अंदाज असून सुरळीत दर्शनाची व्यवस्था करण्यासाठी प्रशासन सज्ज आहे.
