Tilse Devmase Mahaseer Fish: तिळसेतील ‘देवमासे’ ठरले रहस्यमय आकर्षण; वैतरणेच्या पुरातही न हलणारे महासीर मासे

वाडा : तिळसे हे पवित्र ठिकाण व आपल्या सौंदर्यासाठी जितके प्रसिद्ध आहे तितकेच रहस्यमय येथील मोठमोठे महासीर मासे कुतूहलाचा विषय बनलेले असतात. एका कुंडात हे मासे शेकडो वर्षांपासून वास्तव्य करीत असून वैतरणा नदीच्या रौद्ररूपात देखील हे मासे आपली जागा सोडत नाहीत.

भाविक या माशांना देवमासे म्हणून संबोधित असून काही संस्था या माशांच्या संवर्धनासाठी अनेक उपक्रम देखील राबवित असतात. नाकात नथ, रंगीत व शरीराचा तुकडा वेगळा झालेले मासे अनेकांना दिसतात अशाही काही दंतकथा जुने जाणकार सांगतात.