कासा : महाराष्ट्रातील विधानसभा निवडणुकीचे बिगुल वाजले असून सर्वच राजकीय पक्षातील सत्ताधारी सह विरोधकांच्या ही जागावाटप अंतिम टप्प्यात आल्या असल्याचे सांगितले जात आहे.येत्या २० नोव्हेंबरला मतदान होणार असून २३ नोव्हेंबरला मतमोजणी होणार आहे. यासाठी सर्वच राजकीय पक्षांनी आपल्या उमेदवारांसाठी कंबर कसली असून महाविकास आघाडीत असलेल्या मार्क्सवादी कम्युनिस्ट पार्टीची राज्य आणि जिल्हा कार्यकारिणीची बैठक संपन्न झाली. या बैठकीत एकमताने ठराव मंजूर करत सध्याचे डहाणू मतदारसंघाचे विद्यमान आमदार कॉ.विनोद निकोले हेच पुन्हा माकपा चे डहाणू विधानसभेचे उमेदवार असणार असल्याची घोषणा करण्यात आली आहे.