पिंपळगाव बसवंत(जि. नाशिक) : येथील कांदा खळ्यावर असणारे सीसीटीव्ही तोडून 14 ते 15 गोणी कांदे चोरून नेल्याची घटना उंबरखेड रोड येथे घडली आहे.
पिंपळगाव येथील कांदा व्यापारी हर्षल खाबिया यांचे उबंरखेड रोडवर कांद्याचे खळे आहे. या ठिकाणावरून मध्यरात्री चोरट्यांनी गाडीमध्ये येऊन कांद्यांची चोरी केली. तसेच सीसीटीव्ही कॅमेरे देखील तोडण्याचा प्रयत्न करून सीसीटीव्ही रेकॉर्डिंग होणारा डीव्हीआरही चोरून नेला आहे. याचबरोबर उंबरखेड रोड येथील किराणा दुकानाचे देखील शटर तोडून चोरी प्रयत्न करण्याचा प्रकार घडला झाला. शहरांमध्ये दिवसेंदिवस चोरीचे सत्र वाढत असून यापूर्वी देखील चिंचखेड रोड परिसरात मोठ्या प्रमाणात चोरी झाल्याच्या घटना घडल्या आहेत. हर्षल खाबिया यांच्या खळ्यावर चोरी झाल्यानंतर शहरातील कांदा असोसिएशनने पोलिस निरीक्षक दुर्गेश तिवारी यांना निवेदन चौकशी करण्याची मागणी केली आहे. याप्रसंगी सोहनलाल भंडारी, विश्वास मोरे, गणेश बनकर, सुरेश खोडे, सतीश मोरे, बापू पाटील, नेमीचंद धाडीवाल, आनंद मणियार, रुपेश शहा, वीरेंद्र बाफना, हेमंत मुथा, केतन पूरकर, संकेत पारख, जीवन बाफना, संदीप हिरे, संतोष ठक्कर, योगेश वाबळे व कांदा व्यापारी उपस्थित होते.
