Nashik Sinner Drowning Death | शेततळ्यात पडून तरुणाचा मृत्यू

सिन्नर (नाशिक) : तालुक्यातील चास शिवारात पाय घसरून शेततळ्यात पडल्याने तरुणाचा मृत्यू झाल्याची घटना शुक्रवारी (दि. २६) सकाळी घडली. या घटनेमुळे परिसरात हळहळ व्यक्त होत आहे.

प्रविण रावसाहेब खैरणार (३०, रा. चास, ता. सिन्नर) असे आहे. प्रविण हा शेततळ्यातील पाण्याचा कॉक (वाल्व्ह) सुरू करण्यासाठी गेला असता त्याचा पाय घसरल्याने तो थेट शेततळ्यात पडला. त्यानंतर त्याचा जागीच मृत्यू झाल्याचे निष्पन्न झाले. घटनेची माहिती मृताचा भाऊ राजेंद्र रावसाहेब खैरणार (४५) यांनी वावी पोलिस ठाण्यात दिली. त्यानुसार पोलिसांनी अकस्मात मृत्यू म्हणून नोंद केली आहे. अधिक तपास पोलिस हवालदार राहुल निरगुडे करीत आहेत.