Nashik News : नाशिक शहरात 29 नोव्हेंबरपर्यंत शस्त्र व जमावबंदी

नाशिक : कायदा व सुव्यवस्था अबाधित राखण्यासाठी पोलिस आयुक्त संदीप कर्णिक यांनी मुंबई पोलिस अधिनियम नुसार नाशिक शहर कार्यक्षेत्रात 15 नोव्हेंबर रोजी मध्यरात्रीपासून ते २९ नोव्हेंबर रोजी रात्री १२.०० वाजेपर्यंत शस्त्र व जमावबंदी आदेश जारी केला आहे.

सदरचे आदेश लग्नकार्य, मिरवणुका, तालुका आठवडे बाजार किंवा प्रेतयात्रेच्या जमावास लागू राहणार नाहीत. तसेच हा आदेश पोलिस अधिकारी, कामावर असलेल्या इतर शासकीय अधिकारी, कर्मचारी यांना तसेच सभा अगर मिरवणुका काढण्यास रितसर परवानगी घेतली असलेल्या व्यक्तींना लागू नाही. या आदेशाचे उल्लंघन केल्यास संबंधितावर कारवाई करण्यात येणार असल्याचे आयुक्त कर्णिक यांनी आदेशात म्हटले आहे.