Nashik News | जिल्हा सरकारी बँकेची आज वार्षिक सर्वसाधारण सभा

नाशिक : जिल्हा सरकारी व परिषद कर्मचारी सहकारी बँकेची १०४ वी वार्षिक सर्वसाधारण सभा आज (दि.७) परशुराम साईखेडकर नाट्यगृहात होत आहे. बँकेला २०२३ -२४ या आर्थिक वर्षात सर्व तरतुदीवजा जाता निव्वळ नफा २.१५ कोटींचा झाला असून, संचालक मंडळाने यंदा सहा टक्के दराने लाभांश देण्याबाबत वार्षिक सर्वसाधारण सभेवर शिफारस केली आहे.

बँकेची आर्थिक स्थिती चांगली असून, भागभांडवल २२ कोटी २४ लाख, राखीव व इतर निधी २७ कोटी सहा लाख, एकूण ठेवी ३४८ कोटी ५५ लाख, कर्जवाटप २५२ कोटी ६४ लाख, एकूण गुंतवणूक २३ कोटी ९६ लाख इतकी केली असून, बँकेला ऑडिट वर्ग 'अ' प्राप्त झाला आहे. बँकेचा 'सीआरएआर' १४ टक्के असून, ढोबळ नफा ३.५४ टक्के, तर निव्वळ नफा १.७७ टक्के इतका असल्याची माहिती बँकेचे अध्यक्ष बाळासाहेब ठाकरे-पाटील यांनी दिली.

उपस्थितीचे आवाहन बँकेचे उपाध्यक्ष महेश मुळे, संचालक प्रमोद निरगुडे, नीलेश देशमुख, अजित आव्हाड, मंदाकिनी पवार, सुनील गिते, धनश्री कापडणीस, रवींद्र आंधळे, रवींद्र बाविस्कर, मोहन गांगुर्डे, ज्ञानेश्वर माळोदे, जयंत शिंदे, विजय देवरे, रमेश बोडके, अभिजित घोडेराव, सचिन विंचूरकर, विक्रम पिंगळे, अमोल बागूल, विनोद जवागे व भरत राठोड यांनी केले आहे.