रशियात कार अपघातात नाशिकमधील एमबीबीएस विद्यार्थी ठार
सिडको : गणपतीसाठी नाशिकला येऊन आई-वडिलांना भेटून पुन्हा रशियात शिक्षणासाठी जात असताना कजागीस्थान येथे कार व ट्रक यांच्यात झालेल्या अपघातात नाशकातील विद्यार्थी ठार झाला आहे . अभिषेक युवराज जाधव ( वय २२ रा. इंदिरा गांधी पुतळया जवळ जेलरोड नाशिक रोड ) असे ठार झालेल्या विद्यार्थाचे नाव आहे .
अभिषेक हा रशियामध्ये एमबीबीएस अभ्यासक्रमाच्या तिसऱ्या वर्षात शिकता होता. गणेशोत्सवानिमित्त तो नाशिकला आई-वडिलांकडे आला होता. सोमवारी (दि.९) पहाटे तो विमानाने रशियाला गेला. अभिषेक व चार ते पाच मित्र कारने जात असताना कजागीस्थान येथे रस्त्याच्या बाजूला मोठ्या इमारतीचे बांधकाम सुरु होते. तेथील ट्रकला काही तरी अडथळा आला वा तो ट्रक अचानक रस्त्यावर आला व यावेळी भरधाव वेगात असणारी कार त्या ट्रकवर जाऊन धडकली .अभिषेक कारमध्ये ड्राँयव्हरच्या बाजूच्या सीटवर बसलेला होता. त्यामुळे अभिषेक जागीच ठार झाला अन्य मित्र गंभीर जखमी झाले आहेत .
अभिषेक हा आई-वडिलांना एकुलता एक मुलगा होता. त्याला एक लहान बहिण आहे. आभिषेकचे वडील नाशिक महानगरपालिका सिडको विभागात कर्मचारी आहेत .अभिषेकच्या आईने मागील पंचवार्षिक महापालिका निवडणूकीत शिवसेनेच्या तिकीटावर निवडणूक लढावली होती . आभिषेकचा मृतदेह गुरुवारी (दि.१२) सांयकाळपर्यत दिल्लीहून मुबंई व नतंर नाशिकला आणण्यात येणार आहे . अभिषेकच्या निधनाने परिसरात हळहळ व्यक्त करण्यात येत आहे.
