नाशिक : पुढारी वृत्तसेवा
आगामी सिंहस्थ कुंभमेळ्याच्या पार्श्वभूमीवर गंगा-गोदावरी पंचकोठी पुरोहित संघ, नाशिक यांच्या वतीने सिंहस्थ कुंभमेळा ध्वजस्तंभशिलान्यास पूजन सोहळ्याचे आयोजन करण्यात आले आहे. गुरुवारी दि. ११ जून रोजी सकाळी ९ वाजता हा धार्मिक सोहळा होणार असून, जगद्गुरू श्रीमद् रामानंदाचार्य नरेंद्राचार्यजी महाराज, जगद्गुरू रामानंदाचार्य दक्षिणपीठ नाणिजधाम यांची प्रमुख उपस्थिती लाभणार आहे.
या कार्यक्रमास उपस्थित राहण्याबाबत गंगा-गोदावरी पंचकोठी पुरोहित संघाचे अध्यक्ष चंद्रशेखर पंचाक्षरी यांनी मंगळवारी (दि. २६) गोवा येथील गोवेश्वर महादेव मंदिरात जाऊन जगद्गुरू नरेंद्राचार्यजी महाराज यांची भेट घेत त्यांना निमंत्रण दिले . यावेळी निमंत्रणाचा स्वीकार करत कार्यक्रमास उपस्थित राहणार असल्याचे सांगितले.
सिंहस्थ कुंभमेळ्याच्या दृष्टीने हा ध्वजस्तंभ शिलान्यास सोहळा अत्यंत महत्त्वपूर्ण मानला जात धार्मिक असून परंपरा, वारसा आध्यात्मिक आणि कुंभमेळ्याच्या तयारीचा शुभारंभ म्हणून या कार्यक्रमाकडे पाहिले जात आहे. या सोहळ्यास कुंभमेळा मंत्री गिरीश महाजन यांचीही प्रमुख उपस्थिती लाभणार विविध असून आखाड्यांचे साधू-संत, महंत, धार्मिक क्षेत्रातील मान्यवर तसेच प्रशासनातील वरिष्ठ अधिकारी मोठ्या संख्येने उपस्थित राहणार आहेत.
