दिंडोरी : पेठ तालुक्यात व हरसुलच्या काही भागांत महिना दोन महिन्यांच्या अंतराने होत असलेल्या भुगर्भिय हालचाली व होणारे आवाज यामुळे परिसरातील नागरिकांमध्ये भीतीचे वातावरण निर्माण झाले आहे.
मेरीच्या भुकंपमापन केंद्राकडून मिळालेल्या माहितीनुसार केंद्रापासून ३८ किलोमिटर क्षेत्रात सौम्य धक्क्याची नोंद झाली आहे. मागील महिन्यात असेच सौम्य धक्के जाणवल्याने सिनीयर जिओलॉजीस्ट यांनी पहाणी केली. परंतु त्याचा अहवाल अद्याप प्राप्त झाला नाही.
आशा गांगुर्डे, तहसीलदार, पेठ, नाशिक.
शुक्रवारी ( दि. २१) पहाटे पाच वाजून १० मिनिटांनी फणसपाडा, आसरबारी, कोपुर्ली, हरसूल पाटे, दोनवडे, भुवन, उम्रदपेठ, आडगाव, भायगाव, गावंदपाडा, तिर्डे आदी परिसरात सौम्य भूकंपाचे धक्के जाणवल्याचे नागरिकांनी सांगितले. सततच्या भुगर्भीय हलचालीमुळे नागरिक धास्तावले आहेत.
