नाशिक : सेंट्रल हिंदू मिलिटरी एज्युकेशन सोसायटीच्या भोसला मिलिटरी कॉलेजमध्ये पीएम उषा योजनेंतर्गत पत्रकारिता आणि जनसंज्ञापन विभागात उभारण्यात येणाऱ्या अद्ययावत नव्या स्टुडिओ, अँम्पी थिएटर तसेच नव्या सुसज्ज इमारत निर्माण कामाचे भूमिपूजन संस्थेचे सरकार्यवाह हेमंत देशपांडे यांच्या प्रमुख उपस्थित होते.
यावेळी नाशिक विभागाचे कार्यवाह मिलिंद वैद्य, कार्यकारीणी सदस्य शीतल देशपांडे यांच्या हस्ते पूजन करण्यात आले. नाशिक विभागाचे अध्यक्ष इंजिनिअर संजय पगारे, आर्कि. अर्चिस कुलकर्णी, कुलदिप चावरे, नरेंद्र वाणी, प्राचार्य डॉ. दिनेश नाईक यांच्या हस्ते श्रीफळ वाढविण्यात आले. योजनेंतर्गत नवीन स्टुडिओ, फर्निचर, अँम्पी थिएटर, चॅन लिंकिंग स्वतंत्र सुसज्ज इमारत उभारण्यात येणार आहे. उपप्राचार्य डॉ.आर.पी. पाटील, पीएम उषा योजनेंचे समन्वयक डॉ. सुभाष सावंत आदींची याप्रसंगी उपस्थिती होती.
