नाशिक : महाराष्ट्र पोलिस दलात उल्लेखनीय कामगिरी केल्याबद्दल राज्यातील ८०० पोलिस अधिकारी-कर्मचाऱ्यांना 'पोलिस महासंचालक' पदक जाहीर झाले आहेत. महाराष्ट्र दिनानिमित्ताने हे पोलिस महासंचालक पदक जाहीर झाले आहेत.
नाशिक शहर गुन्हे शाखेचे उपायुक्त प्रशांत बच्छाव, परिमंडळ दोनच्या उपायुक्त मोनिका राऊत यांच्यासह म्हसरूळचे प्रभारी पोलिस निरीक्षक अंकुश चिंतामण, अंबड पोलिस ठाण्याअंतर्गत चुंचाळे पोलिस चौकीचे प्रभारी निरीक्षक मनोहर कारंडे, सातपूरचे प्रभारी निरीक्षक रणजित नलावडे आणि विशेष शाखेचे निरीक्षक युवराज पत्की तसेच शहर, ग्रामीण - महाराष्ट्र पोलिस अकादमीतील ४८ पाेलिस अधिकारी- अंमलदारांचा यात समावेश आहे.
राज्याचे पोलिस महासंचालक रश्मी शुक्ला यांनी महाराष्ट्र दिन पार्श्वभूमीवर २०२४ या वर्षात उल्लेखनीय कामगिरी करणाऱ्या राज्यातील ८०० पोलिस अधिकारी-कर्मचाऱ्यांना पोलिस महासंचालक पदक जाहीर केले. यात शहर आयुक्तालयातील २९, नाशिक ग्रामीण पोलिस दलातील १७ आणि महाराष्ट्र पोलिस अकादमीतील तीन असे ४८ पोलिस अधिकारी-कर्मचाऱ्यांचा समावेश आहे.
पोलिस उपायुक्त प्रशांत बच्छाव, मोनिका राऊत, पोलिस निरीक्षक अंकुश चिंतामण, मनोहर कारंडे, रणजित नलावडे, युवराज पत्की, उपनिरीक्षक (श्रेणी) मुक्तारखान पठाण, सहायक उपनिरीक्षक संपत जाधव, नितीन धोंडगे, हवालदार नाजीमखान पठाण, देवीदास ठाकरे, प्रवीण पगारे, अतुल पाटील, राजेंद्र सांगळे, धनंजय शिंदे, अरविंद उगले, घनश्याम पाटील, संतोष निकम, आनंदा चौधरी, सुधाकर गायकवाड, मुकुंद महाजन, अविनाश देवरे, गणेश कोंडे, चंद्रकांत जगदाळे, गायत्री गोसावी, विजय वरंदळ, संतोष काळे, किरण अहिरराव, प्रशांत मरकड.
सहायक निरीक्षक उमेश बोरसे, उपनिरीक्षक राजीक शेख, सहायक उपनिरीक्षक हारुण शेख, हवालदार भगीरथ भडांगे, शरद कडलग, नंदू वाघ, प्रवीण वनवे, कृष्णा माळोदे, जालिंदर खराटे, प्रशांत पाटील, विजय बिलघे, गोरक्षनाथ संवत्सकर, हेमंत गिलबिले, पोलिस नाईक सुशांत मरकड, श्रीकांत देशमुख, संकेत कासार.
महाराष्ट्र पोलिस अकादमी : हवालदार प्रदीप वाघमारे, राजू दोरकर, सुनील कोकणे.
