नाशिक : गोदाघाटावर पूजा करताना पाय घसरून पुरात वाहून गेलेल्या अभियंत्याचा मृतदेह माडसांगवी येथे मंगळवारी (दि. ६) आढळून आला.
स्थानिकांना पाण्यात तरंगताना मृतदेह आढळला. यग्नेश पवार (२९, रा. ओझर) असे या अभियंत्याचे नाव आहे. रविवारी (दि. ४) तो पाण्यात पडला होता. कालसर्प याेगाची पूजा करण्यासाठी यग्नेश हा सहपरिवार आला होता. पूजा करताना पाय घसरून पडल्याने तो गाेदापात्रात वाहून गेला. त्याचे शोधकार्य राबवण्यात आले, मात्र, शोध लागला नाही. मंगळवारी (दि. ६) माडसांगवी येथे यग्नेशचा मृतदेह आढळून आला.