Urea fertilizer distribution Nandurbar
नंदुरबार : संतप्त शेतकऱ्यांच्या जनआक्रोश आंदोलनाने युरिया खत वितरणात सुधारणा केली आहे. माजी खासदार डॉ. हिनाताई गावित यांनी 10 सप्टेंबर 2025 रोजी आंदोलनस्थळी उपस्थित राहून अधिकाऱ्यांची चौकशी केली, आणि सुमारे 6,800 मेट्रिक टन युरियाचा हिशोब नसल्याचे उघड झाले. यानंतर अधिकाऱ्यांनी 11 सप्टेंबर 2025 रोजी कृषी सेवा केंद्रांमधून युरियाचे वाटप सुरू केले.
अक्कलकुवा तालुक्यातील शेतकऱ्यांना भरमसाठ युरिया उपलब्ध असूनही ते महाग दरात विकले जात असल्याने शेतकरी संतप्त झाले होते. तालुका कार्यालयासमोर तब्बल सात तास धरणे आंदोलन झाल्यानंतर डॉ. हिनाताई गावित यांनी उपस्थित अधिकाऱ्यांना रेकॉर्ड दाखवायला भाग पाडले. त्यामुळे युरियाचा काळाबाजार कसा झाला आणि अधिकारी का निष्क्रिय होते, हे समोर आले.
आंदोलनात बोलताना डॉ. हिनाताई गावित यांनी युरिया खताच्या भ्रष्टाचारावर टीका केली. त्यांनी सांगितले की, मागील वर्षी मोदी सरकारकडून नंदुरबार जिल्ह्यासाठी स्वतंत्र रॅक मंजूर करून घेतला होता, तरीही शेतकऱ्यांना पुरवठा होतो नव्हता आणि काही कृषी सेवा केंद्रांनी काळाबाजार केला. दोषींवर कठोर कारवाई करावी आणि दोषी केंद्रांचे परवाने रद्द करावेत असेही त्यांनी म्हटले.
जिल्हा कृषी अधीक्षक चेतनकुमार ठाकरे यांच्या आदेशान्वये, तालुका कृषी अधिकारी सुरज नामदास, कृषी अधिकारी किशोर हडपे व कृषी निरीक्षक वसावे यांनी लेखी आश्वासन दिल्यानंतर आंदोलन स्थगित करण्यात आले. 11 सप्टेंबर 2025 रोजी अक्कलकुवा तालुक्यातील कृषी सेवा केंद्रांमधून युरियाचे वाटप सुरू झाले.
आंदोलनाचे नेतृत्व डॉ. हिनाताई गावित आणि भाजपाचे माजी जिल्हाध्यक्ष नागेश पाडवी यांनी केले. यावेळी माजी जिल्हा परिषद सदस्य, मंडळ अध्यक्ष व पंचायत समिती सदस्यांसह शेकडो शेतकरी उपस्थित होते.
