जळगाव : जळगाव जिल्ह्याला लागून असलेल्या नंदुरबार जिल्ह्यामध्ये वराह (डुकरांमध्ये) आफ्रिकन स्वाइन फिवरची लागण मोठ्या प्रमाणात झाली आहे. त्यामुळे नंदुरबार जिल्ह्यात वराह ठार करण्याचे आदेश देण्यात आले आहेत. त्यापार्श्वभूमीवर जळगाव जिल्ह्यामध्ये देखील खबरदारी म्हणून त्याआधीच वराह लसीकरण करण्यात आल्याची माहिती जिल्हा पशुसंवर्धन उपायुक्त विभागाने दिली आहे.
नंदुरबार जिल्ह्यामध्ये अफ्रिकन स्वाईन फिवरची लागण मोठ्या प्रमाणात झाली आहे. त्यामुळे वराह मारण्याचे आदेश दिले असून वराहाचे मटन खाण्यावर देखील बंदी करण्यात आली आहे. जळगाव जिल्ह्यात वराह पशुधन जवळपास दहा हजार आहे. मात्र आफ्रिकन स्वाईन फिवर येण्यापूर्वीच जिल्ह्यातील सर्व वराहांना 103 टक्के लसीकरणाचा कार्यक्रम जळगाव जिल्हा पशुसंवर्धन उपायुक्त विभागाच्या वतीने संपूर्ण जिल्ह्यात राबविण्यात आला आहे.
अफ्रिकन स्वाईन फिवर
1) ताप 2) खाणे बंद होणे ३) त्वचेवर किंवा अंतर्गत अवयवांमध्ये रक्तस्राव होणे. ४) कोणतेही लक्षण न दाखवता मृत होणे. मानवामध्ये याचा प्रसार होत नाही
'स्वाइन फ्लू' लक्षणे
सर्दी , खोकला, ताप , नाक वाहने , श्वास घेण्यास त्रास इत्यादी. मानवामध्ये याचा प्रसार होऊ शकतो.
जिल्ह्यात लागण होण्यापूर्वीच वराह लसीकरण करण्यात आले होते. त्यामुळेच 103% लसीकरण जळगाव जिल्ह्यात झालेले आहे
डॉ. शामकात पाटील जिल्हा पशुसंवर्धक उपायुक्त जळगाव
जिल्ह्यात लागण होण्यापूर्वीच वराह लसीकरण करण्यात आले होते. त्यामुळेच 103 % लसीकरण जळगाव जिल्ह्यात झाले आहे.
डॉ. शामकात पाटील, जिल्हा पशुसंवर्धक उपायुक्त जळगाव
