जळगाव : बसमध्ये चढत असतांना दोन महिला प्रवाशांच्या गळ्यातील सोन्याचे मंगळसुत्र लांबविल्याची घटना चाळीसगाव बसस्थानकात रविवार (दि.16) रोजी घडली आहे. याप्रकरणी रात्री चाळीसगाव शहर पोलीस ठाण्यात गुन्हा दाखल करण्यात आला.
निर्मलाबाई महादू पाटील (वय-70] रा. तळोदा ता.चाळीसगाव) या वृध्द महिला रविवार (दि.16) दुपारी सायंकाळी 6.30 वाजेच्या सुमारास चाळीसगाव बसस्थानकात बसमध्ये चढत असतांना अज्ञात चोरट्याने त्यांच्या गळ्यातील वीस हजार रूपये किंमतीची सोन्याचे मंगळसुत्र लांबविले. त्याचवेळी बसस्थानक आवारात लिलाबाई मिसरीलाल राठोड यांच्या गळ्यातील 70 हजार रूपये किंमतीचे सोन्याचे मंगळसुत्राची देखील चोरी झाली. यावेळी दोन्ही महिलांनी त्यांच्या मंगळसुत्राचा शोध घेतला. परंतु, कोणतीही माहिती मिळाली नाही. अखेर त्यांनी रात्री 10.30 वाजता चाळीसगाव शहर पोलीस ठाण्यात फिर्याद दिली. त्यानुसार अज्ञात चोरट्यांविरोधात गुन्हा दाखल करण्यात आला आहे. पोलीस हेड कॉन्सटेबल राहुल सोनवणे हे पुढील तपास करीत आहे.
