Jalgaon | हतनूरचे दहा दरवाजे एक मीटर उघडले; तापी, पूर्णा नदी दुथडी भरून वाहतेय

जळगाव : हतनूर धरणाच्या पाणलोट क्षेत्रात सुरू असलेल्या पावसामुळे धरणसाठ्यात वाढ झाली असून, शनिवारी (दि. 28) सकाळी धरणाचे १० दरवाजे एक मीटरने उघडण्यात आले आहेत. त्यामुळे तापी व पूर्णा नदी दुथडी वाहत आहे.

हतनूर प्रकल्पात पाणीपातळी 211.120 मीटर इतकी असून, पाणीसाठा 240.80 दलघमी आहे. म्हणजेच एकूण पाणीसाठा 62.06 टक्के इतका आहे. पाण्याची आवक सुरू असल्याने हतनूर धरणाचे १० दरवाजे उघडण्यात आले आहेत. यामधून 570.00 क्यूमेक्स (20130 क्यूसेक) पाण्याचा विसर्ग सुरू करण्यात आला आहे. यामुळे हतनूर धरण किनाऱ्यावर असलेल्या तसेच तापी व पूर्णा नदीवरील गावांना सतर्कतेचा इशारा देण्यात आला आहे.