जळगाव : गुजरातमधील सुरतमध्ये सुपारी घेऊन दोघांचा खून करण्यात आला होता. या खून प्रकरणातील संशयित आरोपी जळगाव स्थानिक गुन्हे शाखेला मिळाली. त्यानुसार अजिंठा चौफुली येथून पोलिसांनी दोघांना ताब्यात घेतले. अफजल अब्दुल शेख (वय ३८) व प्रशनेश दिलीप गामीत (वय २६, रा.तरकूबा डूंगरी फलीया ता.व्यारा जि. तापी) अशी संशयित आरोपींची नावे आहेत. सुरतमध्ये बिलाल चांदी, अज्जु या दोघांचा खून करण्यात आला होता. 'एमआयएम'च्या नेत्याच्या सांगण्यावरून १६ लाखात सुपारी घेऊन हे खून केल्याची कबूली संशयित आरोपींनी दिली.
याबाबत अधिक माहिती अशी, गुजरातमधील सुरतमध्ये दोघांचा खून करण्यात आला होता. याप्रकरणी अमरपाडा पोलीस ठाण्यात गुन्हा दाखल करण्यात आला होता. या गुन्ह्यातील संशयित आरोपी अफजल अब्दुल शेख व त्याचा साथीदार प्रज्ञनेश दिलीप गामीत हे खूनानंतर गुजरात राज्यातून फरारी होते. हे दोघे संशयित जळगाव येथील अजिंठा चौफुली येथे असल्याची माहिती पोलिसांनी मिळाली. त्यानुसार स्थानिक गुन्हे शाखेच्या पथकाने दोघांना ताब्यात घेतले. त्यांनी सुरतचे 'एमआयएम' चे खुर्शीद अली सैय्यद यांनी १६ लाख रुपयाची सुपारी दिल्यानंतर बिलाल चांदी, अज्जु या दोघांचा खून केल्याची कबुली दिली.