जळगाव : गॅस दरवाढीविरोधात राष्ट्रवादी शरद पवार गटाचे थाळीनाद, भीकमांगो आंदोलन
जळगाव : शहरातील आकाशवाणी चौकात राष्ट्रवादी काँग्रेस (शरद पवार गट) च्या वतीने गॅस सिलेंडर दरवाढीच्या विरोधात थाळीनाद करत कार्यकर्त्यांनी दरवाढीविरोधात आवाज उठवला, तसेच "भीक मागो" आंदोलन करीत केंद्र सरकारचा निषेध नोंदवत लक्ष वेधले.
या आंदोलनामुळे काही वेळेकरीता वाहतूक विस्कळीत झाली होती. आंदोलनादरम्यान केंद्र सरकारविरोधात जोरदार घोषणाबाजी करत निषेध व्यक्त करण्यात आला. यानंतर राष्ट्रवादी शरद पवार गटाच्या पदाधिकाऱ्यांनी जिल्हाधिकाऱ्यांना निवेदन देत गॅस दरवाढ तात्काळ मागे घ्यावी, अशी मागणी केली आहे. आंदोलनाप्रसंगी जिल्हाध्यक्ष प्रमोद पाटील, मंगला पाटील, अशोक लाडवंजारी यांच्यासह इतर पदाधिकारी उपस्थित होते.
सरकारने नागरिकांवर अन्याय केला आहे. त्यामुळे आम्ही भिक मागणी आंदोलन करून सरकारकडे जमा रक्कम पाठवणार आहोत. सरकारला भीक लागली आहे का, असा सवाल उपस्थित करत वारंवार गॅस दरवाढीचा निषेध व्यक्त करत आहोत.
प्रमोद पाटील, जिल्हाध्यक्ष, राष्ट्रवादी शरद पवार गट, जळगाव
