जळगाव : महाराष्ट्र राज्य क्रीडा व शारीरिक शिक्षण शिक्षक महासंघ शाखा, जळगाव यांच्यावतीने जिल्हास्तरीय गुणवंत क्रीडा शिक्षक पुरस्कार वितरण सोहळा ग.स. सोसायटी सभागृहात उत्साहात पार पडला. छत्रपती शिवाजी महाराजांच्या प्रतिमेस पुष्पहार अर्पण करत जयघोषाने कार्यक्रमास प्रारंभ करण्यात आला.
कार्यक्रमाप्रसंगी महाराष्ट्र राज्य क्रीडा व शारीरिक शिक्षण शिक्षक महासंघाचे राज्याध्यक्ष शरदचंद्र धारूरकर, जिल्हा क्रीडा अधिकारी डॉ. रवींद्र नाईक, उपाध्यक्ष मिलिंद क्षिरसागर, ग.स. सोसायटीचे अध्यक्ष अजब सिंग पाटील, पुणे शहराध्यक्ष दिलीप धमाले, जळगाव जिल्हाध्यक्ष डॉ. प्रदीप साखरे, पुणे विभागीय अध्यक्ष मकरंद कोऱ्हाळकर, नाशिक विभागीय सचिव अजय देशमुख, डॉ. संजय निकम, जयदीप सोनखासकर, बी.एन. पाटील, राजू कुलकर्णी, दिलीप पानपाटील आदी मान्यवर यावेळी उपस्थित होते.
राज्य सरकारने गुणवंत क्रीडा शिक्षक पुरस्कार रद्द केल्याच्या पार्श्वभूमीवर, महासंघाच्या वतीने प्रत्येक तालुक्यातील क्रीडा शिक्षकांचा सन्मान करण्याचा निर्णय घेण्यात आला. यामध्ये राष्ट्रीय आणि राज्यस्तरीय पुरस्कारप्राप्त क्रीडा शिक्षक डॉ. विलास नारखेडे आणि सिद्धेश्वर वाघुळदे यांचा सत्कार करण्यात आला.
डॉ. प्रदीप साखरे यांनी प्रास्ताविक केले. महासंघाच्या विविध उपक्रमांची माहिती त्यांनी दिली. जिल्हा क्रीडा अधिकारी डॉ. नाईक यांनी मनोगत व्यक्त करत क्रीडा शिक्षकांच्या समस्या सोडवण्यासाठी सहकार्याचे आश्वासन दिले. अध्यक्षीय मनोगतात शरदचंद्र धारूरकर यांनी संघटनेच्या कार्याचा आढावा घेत क्रीडा शिक्षकांच्या विविध प्रश्नांवर प्रकाशझोत टाकला.
पुरस्कार समारंभानंतर जिल्हा सभेचे आयोजन करण्यात आल्याने सभेच्या अध्यक्षस्थानी शरदचंद्र धारूरकर होते. यावेळी महासंघाच्या कार्याचा आढावा घेऊन विविध प्रश्नांवर सविस्तर चर्चा करण्यात आली. चौधरी यांनी सूत्रसंचालन तर डॉ. संजय निकम यांनी आभार मानले. कार्यक्रम यशस्वीतेसाठी बी. एन. पाटील, राजू कुलकर्णी, गुलाब पाटील, युवराज भोसले, पी. पी. पाटील, राहुल साळुंखे, शितोळे, नरेंद्र म्हस्के, एस. टी. चौधरी, मनोज वारके, ज्ञानदेव धांडे, भूषण भोई, गिरीश खोडके, अजय बोरणारे, ललित बढे, संतोष पाटील, हरी राऊत, पुनम कोल्हे, के. टी. चौधरी, जफर शेख अझर अली, अझर खान आदींनी परिश्रम घेतले.
नगीनदास उखा बागुल, दत्तात्रय मुरलीधर फेगडे, रवींद्र सुभाष पाटील, संदीप हिरामण पवार, विलास सुकलाल पाटील, धैर्यशील प्रतापसिंग राजपूत, वंदना वासुदेव ठोके, योगेश पंडित शिंदे, रमेश शंकर जावळे, अनिल माकडे, अनिल शामराव पाटील यांना गुणवंत क्रीडा पुरस्काराने गौरविण्यात आले.
