जळगाव : जिल्हाधिकारी यांच्या उपस्थितीत सोमवार (दि.26) रोजी मोठ्या प्रमाणात प्रशासकीय बदल्या करण्यात आल्या. जिल्ह्यातील एकूण 198 अधिकारी व कर्मचाऱ्यांच्या बदल्या करण्यात आल्या आहेत. यामध्ये सहाय्यक महसूल अधिकारी 53, महसूल सहाय्यक (क्लर्क) 44, मंडलाधिकारी 35, चालक 5, आणि तलाठी 58 जणांचा समावेश आहे. तसेच तलाठी पदावरून मंडलाधिकारीपदी तीन जणांची पदोन्नतीही यावेळी जाहीर करण्यात आली. जिल्ह्यातील बदलत्या हवामानामुळे शेतकऱ्यांना पिकांचे मोठे नुकसान सहन करावे लागले असतानाच प्रशासकीय पातळीवर देखील वातावरण तापलेले पहावयास मिळाले. या बदल्यांमुळे जिल्ह्यातील महसूल यंत्रणेत बदल होण्याची शक्यता व्यक्त केली जात आहे.
