पिंपळनेर,जि.धुळे : साक्री आगारात दिव्यांगांना वारंवार अनेक अडचणींना सामोरे जावे लागत आहे. त्यात दिव्यांगांना मुक्त संचार करता यावा, बसमध्ये चढ-उतार करताना बसच्या कर्मचाऱ्यांनी सहकार्य करावे. दिव्यांगासाठी बसमधील बसण्याचे राखीव असलेली जागा दिव्यांगांसाठीच बसण्याची व्यवस्था करण्यात यावी अशा आदी मागण्या संदर्भात प्रहार दिव्यांग संघटनेच्या वतीने आगार व्यवस्थापक सुनील महाले यांना निवेदन देण्यात आले.
आगारात व्हीलचेअर व सुलभशौचालयामध्ये रॅम्पची व्यवस्था करण्यात यावी, ज्यामुळे जेणेकरून दिव्यांग प्रवाशांना तसेच इतर प्रवाशांना गैरसोय होणार नाही याची प्रशासनाने दखल घ्यावी, अशा मागण्या निवेदनातून मांडण्यात आल्या आहेत. यावेळी प्रहार दिव्यांग संघटना तालुकाध्यक्ष संजय पाटील, प्रहार जनशक्ती पक्षाचे विभाग प्रमुख जयेश बावा, दीपक जाधव, शशिकांत अहिरराव, प्रदीप सोनवणे, युवराज मराठे, जगन कारंडे आदी पदाधिकारी उपस्थित होते.
