पिंपळनेर, जि.धुळे : साक्री तालुक्यातील निजामपूर पोलिसांनी गावोगावी होणारी अवैध बनावट रासायनिक खतांची विक्री रोखत दमदार कारवाई पार पाडली आहे.
या कारवाईत वाहनासह 75 हजार 600 रुपसे किंमतीचा बनावट खतांचा साठा जप्त करण्यात आला आहे. याप्रकरणी मॉर्केटर मे. एस.आर.फर्टीलायझर अँण्ड केमीकल्स वर्धानेचे (ता. साक्री) राजु भटू राठोड यांच्याविरोधात गुन्हा नोंद करण्यात आला आहे. पोलिसांनी कृषी विभागाच्या पथकाला सोबत घेत राठोड यांच्या साक्री व वर्धानेतील गोडाऊनमध्ये देखील छापा टाकला. यावेळी गोडावूनमधून देखील एकूण 24 लाख 98 हजार 15 रुपये किंमतीचे रासायनिक खते व किटकनाशक संशयीतरित्या आढळून आल्याने जप्त करण्यात आले आहे.
पोलीस अधिक्षक श्रीकांत धिवरे, अपर पोलीस अधिक्षक किशोर काळे, उपविभागीय पोलीस अधिकारी संजय बांबळे यांच्या मार्गदर्शनाखाली निजामपूर पोलीस ठाण्याचे सहायक पोलीस निरीक्षक मयुर भामरे, पोलीस हेड कॉन्सटेबल नारायण माळचे, पोलीस कॉन्सटेबल दिपक महाले, राकेश महाले, मुकेश दुरगुडे, गौतम अहिरे तसेच जिल्हा कृषी अधिकारी कैलास शिरसाठ यांच्या मार्गदर्शनाखाली विभागीय तंत्र अधिकारी उल्हास ठाकूर, जि. प.कृषी विभागाचे मोहीम अधिकारी प्रदिप निकम, साक्री तालुका कृषी अधिकारी योगेश सोनवणे, जिल्हा गुणवत्ता नियंत्रण निरीक्षक अरुण तायडे, साक्री पंचायत समितीचे कृषी अधिकारी आर.एम.नेतनराव यांच्या पथकाने संयुक्तपणे पार पाडली आहे.
