नगर: पोलिस अधीक्षक मुम्मका सुदर्शन यांच्या आदेशानुसार शहर वाहतूक शाखेचे पोलिस निरीक्षक महेश पाटील यांनी गुरूवारी शहरात काळ्या काचा लावणारे वाहने व फटाकडा सायलन्ससर लावणाऱ्या वाहनांवर धडाकेबाज कारवाई केली. पोलिसांनी डीएसपी चौकासह विविध काळ्या काचा लावणाऱ्या ५६ वाहनांवर कारवाई केली. सुमारे १५२ जणांविरोधात गुन्हे दाखल केले.
शहरातील डीएसपी चौकात लावण्यात आलेल्या विशेष नाकाबंदीदरम्यान, केंद्रीय मोटार वाहन कायद्याचे उल्लंघन करणाऱ्या तब्बल १५२ वाहनांवर दंडात्मक कारवाई करण्यात आली. यामध्ये बेकायदेशीरपणे काळ्या काचा (ब्लॅक फिल्म) लावून फिरणाऱ्या ५६ फोर व्हीलर वाहनांचा समावेश आहे केंद्रीय मोटार वाहन कायद्यांतर्गत १५२ कारवाया करण्यात आल्या.
५६ चारचाकी वाहनांच्या काळ्या फिल्म जागीच काढून दंडात्मक कारवाई करण्यात आली. ही कारवाई अप्पर पोलिस अधीक्षक वैभव कलुबर्मे, उपविभागीय पोलिस अधिकारी डॉ. दिलीप टिपरसे यांच्या मार्गदर्शनाखाली जिल्हा व शहर वाहतूक शाखेचे पोलीस निरीक्षक महेश पाटील व त्यांच्या पथकाने केली.
शहरातील वाहतुकीला शिस्त लावण्यासाठी आणि गुन्हेगारीला आळा घालण्यासाठी वाहतूक पोलिसांची ही विशेष मोहीम यापुढेही अशीच सुरू राहणार आहे.
- महेश पाटील, पोलिस निरीक्षक
