पोहेगाव: शिवसेना (उद्धव ठाकरे पक्षाची) कोपरगाव तालुका कार्यकारिणी तालुकाप्रमुख (पूर्व) संजय दंडवते व तालुकाप्रमुख (पश्चिम) गंगाधर राहाणे यांनी संयुक्त जाहीर केली आहे. (उप तालुकाप्रमुख, पूर्व विभाग) बाळासाहेब मापारी, (उप तालुकाप्रमुख,पश्चिम विभाग) विवेक कुलकर्णी, तर (तालुका सचिव) कैलास गव्हाणे यांची निवड करण्यात आली आहे.
दरम्यान, गटप्रमुख अनुक्रमे श्रावण कदम (संवत्सर गट); मच्छिंद्र देवकर (ब्राम्हणगाव गट), अंकुश चांदगुडे (सुरेगाव गट), शब्बीर शेख (शिंगणापूर गट), नवनाथ औताडे (पोहेगाव गट) तसेच 10 गणातील गणप्रमुख अनुक्रमे मछिंद्र वाळुंज (संवत्सर गण), विठ्ठल निकम (वारी गण), तुषार वाबळे (ब्राम्हणगाव गण), भाऊसाहेब कापसे (करंजी गण), देविदास मोरे (सुरेगाव गण), प्रवीण गंभीरे (धामोरी गण), सिताराम तिपायले (शिंगणापूर गण), भाऊसाहेब होरे (कोळपेवाडी गण), संजय गुंजाळ (पोहेगाव गण), अप्पासाहेब होन (चांदेकसारे गण) यांची पदाधिकारीपदी निवड जाहीर करण्यात आली आहे. (Latest Ahilyanagar News)
यासह अंगीकृत संघटनेत (युवासेना) सिद्धार्थ शेळके (उप जिल्हा युवा अधिकारी), विजय गोर्डे (तालुका युवा अधिकारी), शेखर कोलते (शहर युवा अधिकारी), (ग्राहक संरक्षण कक्ष) अशोक पवार, (उपजिल्हा संघटक), अभिषेक शिंदे, (तालुका संघटक), रविंद्र कथले (शहर संघटक), (शेतकरी सेना) धर्मा जावळे, (तालुकाप्रमुख), रविंद्र देवकर (उप तालुकाप्रमुख), प्रवीण चौधरी (तालुका संघटक) या पदाधिकार्यांचा यामध्ये समावेश करण्यात आला आहे.
पक्षप्रमुख उद्धव ठाकरे यांच्या आदेशानुसार नियुक्त्या करण्यात आल्या. शिवसेनेचे सचिव विनायक राऊत, संपर्कप्रमुख सुनील शिंदे व खासदार भाऊसाहेब वाक्चौरे यांच्या मार्गदर्शनाखाली सहसंपर्कप्रमुख राजेंद्र झावरे व जिल्हाप्रमुख रावसाहेब खेवरे यांनी ग्रामीण निष्ठावंत शिवसैनिकांना न्याय देण्याची भूमिका घेतली आहे.
नवनिर्वाचित कार्यकारिणीचे खासदार भाऊसाहेब वाक्चौरे, सहसंपर्कप्रमुख राजेंद्र झावरे, ग्राहक संरक्षण कक्षाचे प्रांतिक सदस्य मुकुंद सिनगर, जिल्हा समन्व्ययक कलविंदर दडीयाल, उपजिल्हाप्रमुख श्रीरंग चांदगुडे, तालुका समन्व्ययक अशोक कानडे, शहरप्रमुख सनी वाघ, वाहतूक सेनेचे इरफान शेख, प्रवीण शिंदे, गिरीधर पवार, कृष्णा आहिरे, सचिन आसने आदींनी अभिनंदन केले.
पदाधिकार्यांनी कंबर कसली!
(उबाठा) शिवसेना पक्ष संघटना मजबूत करण्यासाठी प्रमुख पदाधिकार्यांनी कंबर कसली आहे. कोपरगाव ग्रामीण व शहर शिवसेनेच्या वतीने आठवड्यातून दर गुरुवारी दुपारी 1 वाजता साप्ताहिक बैठक घेण्यात येणार आहे. यावेळी वरिष्ठ पदाधिकारी व शिवसैनिकांच्या समस्या जाणून घेतल्या जाणार आहेत. कोपरगाव तालुक्यातील गट व गण रचना जाहीर करून, आगामी स्थानिक स्वराज्य संस्थांच्या निवडणुका लढविण्यासाठी इच्छुक उमेदवारांच्या मुलाखती घेणे सुरु आहे, अशी चर्चा सुरु आहे.
