श्रीरामपूर: तालुक्यातील खानापूर येथे 79 वयाच्या वृद्ध महिलेस कोयत्याचा धाक दाखवून तसेच मारहाण करून सुमारे 24 तोळे सोने चांदीचे दागिने तसेच 60 हजार रुपये रोख असा 15 ते 16 लाख रुपयांचा ऐवज अज्ञात दरोडेखोरांनी लुटून नेला. याप्रकरणी श्रीरामपूर तालुका पोलिस ठाण्यात अज्ञात दरोडेखोरांविरुद्ध गुन्हा दाखल करण्यात आला आहे.
श्रीरामपूर तालुक्यातील खानापूर येथे मुंबई येथे नगररचना विभागात अधिकारी असलेले जितेंद्र भोपळे हे मुंबईत राहत होते. त्यांच्या वस्तीवर त्यांच्या मातोश्री विजयादेवी लक्ष्मणराव भोपळे (वय 79) ह्या एकट्या राहत होत्या.
शुक्रवारी मध्यरात्री सर्व दरवाजे लावून 28 मार्च रोजी रात्री त्या झोपल्या होत्या, मात्र झोप येत नसल्याने त्या जाग्या होत्या. रात्री 1 वाजेच्या सुमारास बेडरूमचा दरवाजाची कडी तोडून सहा दरोडेखोर घरामध्ये आले. त्यांनी हिंदीमध्ये पैसे व दागिन्यांची मागणी केली. तसेच शांत रहा असे म्हणून तिघांनी वृद्ध महिलेचे तोंड दाबून ठेवले व त्यांना कोयत्याचा धाक दाखवून मारहाण केली.
यावेळी घरातील प्रत्येकी अडीच तोळे वजनाच्या सोन्याच्या 4 बांगड्या, प्रत्येकी 3. तोळे वजनाच्या सोन्याच्या 2 पाटल्या (6 तोळे), 295 ग्रॅम वजनाच्या दोन अंगठ्या (1 तोळा), 5 तोळे वजनाचे सोन्याचे गंठण व त्यामध्ये 5 ग्रॅमचे पेंडल , 2 जोड कानातील सोन्याचे वेल (1तोळा 2 ग्रॅम) अशा प्रकारे एकूण 23 तोळे 7 ग्रॅम वजनाचे सोन्याचे दागिने तसेच रोख रक्कम 60 हजार रुपये असा एकूण जवळपास 15 ते 16 लाखाचा ऐवज चोरून नेला.
याप्रकरणी तालुका पोलिस ठाण्यात दरोड्याचा गुन्हा दाखल करण्यात आला असून अधिक तपास पोलिस निरीक्षक दशरथ चौधरी करत आहे. दरम्यान, भोपळे यांच्या वस्तीवर श्वान पथकाला पाचारण करण्यात आले होते. त्याने रस्त्यापर्यंत मार्ग दाखवला, ठसे तज्ञांचे पथकही त्या ठिकाणी येऊन त्यांनी पंचनामा केला.
स्थानिक गुन्हे शाखेच्या पथकाने वस्तीवरील सर्व ठिकाण तपासली परिसरातील सीसीटीव्ही फुटेज तपासले. मात्र अनेक ठिकाणचे सीसीटीव्ही बंद असल्याचे आढळून आले.याप्रकरणी तालुका पोलिस ठाण्यात दरोड्याचा गुन्हा दाखल करण्यात आला असून अधिक तपास पोलिस निरीक्षक दशरथ चौधरी करत आहे.
श्वान पथकाला केले पाचारण
दरम्यान, भोपळे यांच्या वस्तीवर श्वान पथकाला पाचारण करण्यात आले होते. त्याने रस्त्यापर्यंत मार्ग दाखवला, ठसे तज्ञांचे पथकही त्या ठिकाणी येऊन त्यांनी पंचनामा केला. स्थानिक गुन्हे शाखेच्या पथकाने वस्तीवरील सर्व ठिकाण तपासली परिसरातील सीसीटीव्ही फुटेज तपासले. मात्र अनेक ठिकाणचे सीसीटीव्ही बंद असल्याचे आढळून आले.
