मुंबई : २२ सप्टेंबर रोजी जगभरात जागतिक कन्यादिन (World Daughters Day 2024) साजरा झाला. या निमित्ताने राज्याचे उपमुख्यमंत्री देवेंद्र फडणवीस (Devendra Fadnavis) यांनी आपल्या लेकीला शुभेच्छा देत दोघांचेही छान असे छायाचित्र एक्स या समाज माध्यमावर शेअर केले आहे. या निमित्ताने देवेंद्र फडणवीस यांनी एक संदेश आपल्या मुलीच्या नावाने लिहिला आहे.
त्यात ते म्हणतात, 'या आंतरराष्ट्रीय दिनानिमित्त मुलींना शुभेच्छा देवूया आणि हा दिवसा साजरा करूयात. त्यांना नेहमीच नवीन उंची गाठण्यासाठी सक्षम करूया. माझ्या प्रिय दिविजाला कन्यादिनाच्या शुभेच्छा. माझा अभिमान, आनंद आणि शक्ती ! स्वप्नांना तुझ्या नवे पंख मिळू दे. भविष्याला तुझ्या नवा आकार मिळू दे.. आंतरराष्ट्रीय कन्यादिनाच्या शुभेच्छा.' दरम्यान फडणवीस (Devendra Fadnavis) यांच्या सोबतच राज्यातील अनेक नेत्यांनी आपल्या मुलीसोबतचे फोटो समाजमाध्यमांवर शेअर केले आहे.