V. Shantaram Award | व्ही. शांताराम जीवनगौरव पुरस्कार शिवाजी साटम यांना जाहीर

पुढारी ऑनलाईन डेस्क : चित्रपट सृष्टीसाठी महाराष्ट्र शासनाच्या सांस्कृतिक कार्य विभागाच्या वतीने देण्यात येणारा व्ही. शांताराम जीवनगौरव पुरस्कार २०२३ जेष्ठ अभिनेते शिवाजी साटम यांना जाहीर झाला आहे. तसेच राज कपूर जीवनगौरव पुरस्कार २०२३ जेष्ठ अभिनेत्री आशा पारेख यांना जाहीर करण्यात आला आहे. सांस्कृतिक कार्य मंत्री सुधीर मुनगंटीवार यांनी बुधवारी (दि. १४) पुरस्काराची घोषणा केली.

चित्रपती व्ही. शांताराम विशेष योगदान पुरस्कार २०२३ लेखक, दिग्दर्शक तसेच अभिनेता दिग्पाल लांजेकर यांना आणि राज कपूर विशेष योगदान पुरस्कार २०२३, जेष्ठ लेखक, दिग्दर्शक संकलक एन. चंद्रा यांना जाहीर करण्यात आला आहे. सर्व पुरस्कार प्राप्त कलाकारांचे सुधीर मुनगंटीवार यांनी अभिनंदन केले आहे. राज्याचा सांस्कृतिक गौरव आपण सतत उंचावत राहावा आणि आई भवानीने तुम्हा सर्वांना उत्तम आरोग्य व उदंड यश द्यावे अशा शुभेच्छा, मुनगंटीवार यांनी दिल्या आहेत.