पुढारी ऑनलाईन डेस्क : राज्य सरकार सेवेतील ९ वरिष्ठ आयएएस अधिकाऱ्यांच्या आज (दि.१८) बदल्या करण्यात आल्या आहेत. याबाबतचे आदेश सामान्य प्रशासन विभागाने जारी केले आहेत. डॉ. विजय सुर्यवंशी यांची कोकण विभागाचे नवे विभागीय आयुक्त म्हणून नियुक्ती करण्यात आली आहे.
1. डॉ. विजय सुर्यवंशी आयुक्त, (राज्य उत्पादन शुल्क, मुंबई) यांची विभागीय आयुक्त, कोकण विभाग, मुंबई येथे बदली करण्यात आली आहे.
2. डॉ. राजेश देशमुख (विभागीय आयुक्त, कोकण विभाग, मुंबई) यांना आयुक्त, राज्य उत्पादन शुल्क, मुंबई येथे नियुक्त करण्यात आले आहे.
3. श्रीमती नयना गुंडे (आयुक्त, आदिवासी विकास, नाशिक) यांची महिला व बाल आयुक्त, पुणे येथे नियुक्ती करण्यात आली आहे.
4. श्रीमती. विमला आर. (राज्य प्रकल्प संचालक, समग्र शिक्षा अभियान, मुंबई) यांची निवासी आयुक्त आणि सचिव, महाराष्ट्र सदन, नवी दिल्ली या पदावर नियुक्ती करण्यात आली आहे.
5. सिद्धराम सलीमठ (जिल्हाधिकारी, अहिल्यानगर) यांची साखर आयुक्त, पुणे येथे नियुक्ती करण्यात आली आहे.
६. मिलिंदकुमार साळवे यांची जिल्हा परिषद, भंडारा येथे मुख्य कार्यकारी अधिकारी म्हणून नियुक्ती करण्यात आली आहे.
७. डॉ. सचिन ओंबासे (जिल्हाधिकारी, धाराशिव) यांची सोलापूर महानगरपालिका, सोलापूर येथे महानगरपालिका आयुक्त म्हणून नियुक्ती करण्यात आली आहे.
८. श्रीमती लीना बनसोड (व्यवस्थापकीय संचालक, महाराष्ट्र राज्य सहकारी आदिवासी विकास महामंडळ, नाशिक) यांची आयुक्त, आदिवासी विकास, नाशिक येथे नियुक्ती करण्यात आली आहे.
९. राहुल कुमार मीना (प्रकल्प अधिकारी, ITDP, गडचिरोली आणि सहाय्यक जिल्हाधिकारी, गडचिरोली उपविभाग, गडचिरोली) यांची लातूर येथे जिल्हा परिषदेचे मुख्य कार्यकारी अधिकारी म्हणून नियुक्ती करण्यात आली आहे.
