पुढारी ऑनलाईन डेस्क : अभिनेता सैफ अली खानवर वांद्रे येथील घरामध्ये धारदार शस्त्राने हल्ला करण्यात आला आहे. मुंबई पोलिसांनी दिलेल्या माहितीनुसार, काल रात्री उशिरा एका अज्ञात व्यक्तीने अभिनेता सैफ अली खानच्या घरात घुसून त्याच्या मोलकरणीशी वाद घातला. जेव्हा अभिनेत्याने मध्यस्थी करून त्या माणसाला शांत करण्याचा प्रयत्न केला तेव्हा त्याने सैफ अली खानवर हल्ला करून त्याला जखमी केले. यानंतर जखमी झालेल्या सैफला गंभीर अवस्थेत लीलावती रुग्णालयात दाखल करण्यात आले
सैफच्या घरामध्ये चोरी करण्यासाठी आलेल्या चोरानेच त्याच्यावर हल्ला केल्याचे निष्पन्न झाले आहे. त्याचबरोबर त्याचा चेहरा सीसीटीव्ही फुटेजमध्ये कैद झाला आहे. त्यामुळे आरोपीला लवकरच अटक करु असे पोलिस अधिकाऱ्यांनी माध्यमांशी बोलताना सांगितले आहे.
सैफ अली खानची न्यूरो सर्जरी यशस्वीरित्या पूर्ण झाली आहे, ज्यामध्ये त्याच्या शरीरातून एक धारदार वस्तू काढण्यात आली आहे. ही वस्तू अंदाजे दोन ते तीन इंच लांब होती. चाकूचा एक भाग असल्याचे दिसते. तसेच प्लॅस्टिक सर्जरीदेखील पूर्ण झाली आहे. सैफ अली खान शस्त्रक्रियेनंतर बाहेर आला आहे आणि धोक्याबाहेर आहे. सध्या त्यांची प्रकृती सुधारत आहे आणि डॉक्टर त्यांच्या प्रगतीवर लक्ष ठेवून आहेत. अशी माहिती लिलावती हॉस्पिटलच्या डॉक्टरांनी माध्यमांशी बोलताना सांगितले आहे.
सिद्धार्थ आनंद सैफ अली खानसह त्याच्या पत्नीसह लीलावती रुग्णालयात पोहोचला. एन्काउंटर स्पेशालिस्ट अधिकारी दया नायक यांना सैफ अली खानच्या वांद्रे येथील निवासस्थानी पाहिले गेले. मुंबई पोलिसांची फॉरेन्सिक टीम सैफ अली खानच्या वांद्रे येथील घरी पोहोचली. यादरम्यान, सारा अली खान आणि इब्राहिम अली देखील रुग्णालयात पोहोचले.
अभिनेता चिरंजीवी यांनी सैफ अली खानवरील हल्ल्याचा निषेध केला. त्याने इंस्टाग्रामवर लिहिले की, 'सैफ अली खानवर घुसखोराने हल्ला केल्याच्या बातमीने खूप दुःख झाले आहे. मी त्यांच्या लवकर बरे होण्यासाठी शुभेच्छा आणि प्रार्थना करतो.
सैफ अली खानला ऑपरेशन थेअटरमधून बाहेर काढण्यात आले आहे. तो सध्या धोक्याबाहेर आहे. मात्र, तो वैद्यकीय अधिकाऱ्यांच्या निरीक्षणाखाली असल्याची माहिती सैफच्या टीमने माध्यमांना दिली आहे. कुटुंबातील सर्व सदस्य सुरक्षित आहेत आणि पोलिस घटनेचा तपास करत आहेत.यासोबतच डॉ. निरज उत्तममणी, डॉ. नितीन डांगे, डॉ. लीना जैन आणि लीलावती रुग्णालयातील टीम यांचे आभार मानू इच्छितो. अशी माहिती दिली आहे.
सैफ अली खान यांच्यावर झालेला हल्ला हा पुर्वनियोजित कटाचा भाग असू शकतो.गेली अनेक वर्ष ज्या पद्धतीने सैफ अली खान यांना त्याच्या मुलाचे नाव तैमुर ठेवल्यावरुन टार्गेट केले जात होते. त्यामुळे हा हल्ला केला आहे असे ते म्हणाले.
पूजा भट्टने सैफ अली खानवरील हल्ल्याचा निषेध केला आहे आणि वांद्रे येथे अधिक पोलिस बंदोबस्ताची मागणी केली आहे. पूजा भट्टनेही सैफवरील प्राणघातक हल्ल्यावर प्रतिक्रिया दिली आणि इंस्टाग्रामवर लिहिले, "ही अराजकता रोखता येईल का? मुंबई पोलिस, सीपीमुंबई पोलिस, आम्हाला वांद्रेमध्ये अधिक पोलिसांची उपस्थिती हवी आहे. शहराच्या राणीला, विशेषतः उपनगरांना, यापूर्वी कधीही इतके असुरक्षित वाटले नव्हते. कृपया लक्ष द्या.
दाक्षिणात्य अभिनेता ज्युनियर एनटीआरने त्याचा 'दीवार' चित्रपटातील सहकलाकार सैफ अली खानवर झालेल्या हल्ल्याची बातमी ऐकल्यानंतर दुःख व्यक्त केले आहे. सैफ अली खानवर त्याच्या वांद्रे येथील निवासस्थानी प्रवेश करताना चाकूने हल्ला झाला होता. एक्स वर बोलताना ज्युनियर एनटीआर यांनी लिहिले, "सैफ सरांवरील हल्ल्याबद्दल ऐकून धक्का बसला आणि दुःख झाले. त्यांच्या लवकर बरे होण्यासाठी आणि चांगल्या आरोग्यासाठी शुभेच्छा आणि प्रार्थना."
या घटनेनंतर, शिवसेनेच्या (यूबीटी) प्रवक्त्या आणि राज्यसभा खासदार प्रियांका चतुर्वेदी म्हणाल्या की, सैफ अली खानवरील हल्ला मुंबई पोलिसांवर आणि महाराष्ट्राचे गृहमंत्री देवेंद्र फडणवीस यांच्यावर प्रश्नचिन्ह उपस्थित करतो. "मुंबईत पुन्हा एकदा जीवे मारण्याचा प्रयत्न होणे किती लाजिरवाणे आहे, सैफ अली खानवरील हल्ल्याने पुन्हा एकदा मुंबई पोलिस आणि गृहमंत्र्यांवर प्रश्नचिन्ह उपस्थित केले आहे," असे चतुर्वेदी यांनी एक्सवरील त्यांच्या पोस्टमध्ये म्हटले आहे.
सैफ खानवर झालेल्या हल्ल्याबद्दल पोलिस अधिकाऱ्यांनी सांगितले की, सैफवर रात्री 3 : 00 वाजताच्या सुमारास हल्ला झाला. आता त्याच्यावर उपचार सुरु आहेत. तसेच आरोपीला पकडण्यासाठी पोलिस सर्वोतपरी प्रयत्न करीत आहे.
सैफ अली खानवर झाल्यानंतर त्याची मुलगी सारा अली खान त्याची भेट घेण्यासाठी लिलावती हॉस्पिटलमध्ये दाखल झाली आहे.
सैफ अली खानच्या अपार्टमेंटमध्ये प्रवेश करण्याची परवानगी नाही आणि आत जाणाऱ्यांची कसून तपासणी केली जाते. अशा परिस्थितीत, चोर घरात घुसला अशी मोठी चूक कुठून झाली? सैफ अली खानला त्याच्या गार्डना अनेकदा फटकारताना पाहिले गेले आहे, त्यामुळे ही एक मोठी चूक मानली जात आहे. तथापि, या प्रकरणातील अपडेट्सची अद्याप प्रतीक्षा आहे. पोलिसांनी या प्रकरणाचा सर्व प्रकारे तपास सुरू केला आहे.
सैफची पत्नी अभिनेत्री करीना कपूर आणि त्यांची मुले सुरक्षित आहेत. या घटनेवर कुटुंबाने अद्याप कोणतेही अधिकृत विधान जारी केलेले नाही. घटनेनंतर चोर फरार आहे. मुंबई पोलिस आणि गुन्हे शाखेचे पथक त्याला पकडण्यात व्यस्त आहेत. घराभोवती बसवलेल्या सीसीटीव्ही फुटेजची तपासणी केली जात आहे.
वांद्रे डीसीपी म्हणाले, हे खरे आहे, एक अज्ञात व्यक्ती पहाटे 2.30 वाजता सैफ अली खानच्या घरात घुसला. यादरम्यान एका चोराने सैफ अली खानवर चाकूने हल्ला केला. यानंतर, त्यांना मुंबईतील लीलावती रुग्णालयात दाखल करण्यात आले. तथापि, या दुखापती इतक्या गंभीर नाहीत. हाणामारीत त्याला चाकूने वार करण्यात आले की जखमी झाले हे अद्याप स्पष्ट झालेले नाही.
या प्रकरणी सैफ अली खान आणि करीना कपूर खान यांनी अद्याप कोणतेही विधान केलेले नाही. पण प्रश्न असा आहे की सैफ-करीनाच्या घरात 24 तास सुरक्षा असते. छोटा नवाब त्याच्या कुटुंबासोबत राहतो, म्हणून तो त्यांच्या सुरक्षेची विशेष काळजी घेतो. घराबाहेर नेहमीच पहारेकरी असतात. सैफच्या अपार्टमेंटमध्ये पापाराझी देखील प्रवेश करू शकत नाहीत. मात्र हा चोर आतमध्ये घुसला कसा याची माहिती पोलिस घेत आहे. पोलिसांनी दिलेल्या प्राथमिक माहितीनुसार चोर हा रात्री अंधाराचा फायदा घेऊन पहारेकरांची नजर चुकवून घरामध्ये घुसला असल्याचे म्हटले आहे.
