नवी मुंबईतील तुर्भेच्या डम्पिंग ग्राउंड मध्ये भीषण आग

नवी मुंबई: पुढारी वृत्तसेवा

नवी मुंबईतील तुर्भेच्या डम्पिंग ग्राउंड मध्ये भीषण आग लागली आहे. या आगीमुळे परिसरात मोठ्याप्रमाणात धुराचे लोट पसरले आहेत. आगीच्या घटनेमुळे परिसरातील नागरिकांमध्ये भीतीचे वातावरण आहे.

नवी मुंबई अग्निशमन दलाच्या गाड्या घटनास्थळी दाखल झाल्या आहेत. डम्पिंग ग्राउंड परिसरात असलेल्या झोपडपट्टीपर्यंत ही आग पसरू नये यासाठी अग्निशमन दलाचे प्रयत्न सुरु आहेत.