पुढारी ऑनलाईन डेस्क : महाराष्ट्र राज्याचा वर्ष २०२५-२६ साठीचा अर्थसंकल्प अर्थमंत्री अजित पवार यांनी सोमवारी विधानसभेत सादर केला. मुख्यमंत्री देवेंद्र फडणवीस सरकारचा तिसऱ्या टर्ममधील पहिला अर्थसंकल्प असल्याने या अर्थसंकल्पाकडे सर्व राज्यवासियांचे लक्ष लागले होते. अर्थमंत्री अजित पवार यांनी विधानसभेत राज्याचा अर्थसंकल्प सादर केला. यामध्ये राज्यातील प्रमुख तीर्थक्षेत्रापैकी एक असलेल्या शिर्डीला जोडण्यासाठी विमानतळाला 1 हजार 367 कोटींची तरतुद करण्यात आली आहे. यामुळे शिर्डी तीर्थक्षेत्राच्या विकासाकरिता भरगोस निधी उपलब्ध केली असल्याची घोषणा अर्थमंत्री अजित पवार यांनी केली. या निर्णयाचे सर्व राज्यभरात स्वागत करण्यात येत आहे.
शिर्डी विमानतळाच्या 1,367 कोटी रुपयांच्या विकास कामांना मान्यता देण्यात आलेली आहे आणि ती कामे सध्या सुरु आहेत. 2021 मध्ये शिर्डी विमानतळाला प्रमुख विमानतळाचा दर्जा प्राप्त झाला होता. यामुळे विमानतळाच्या सुविधांमध्ये मोठ्या प्रमाणावर सुधारणा होणार आहेत. लवकरच नाईट लँडिंगची सुविधा देखील सुरु करण्यात येणार आहे, ज्यामुळे रात्रभर विमानतळावर विमानांचा आगमन-जाणं होऊ शकेल. यामुळे शिर्डी विमानतळाचा महत्त्व वाढेल आणि यात्रेकरूंना अधिक सुविधा मिळतील.
