Mumbai organ donation: मुंबईत बहिणीच्या नि:स्वार्थ दानाने भावाला नवे जीवन

मुंबई : मुंबईतील एका बहिणीने कॉमन व्हेरिअबल इम्यून डेफिशियन्सी या दुर्मिळ व गंभीर आजाराशी लढणार्‍या आपल्या 11 वर्षीय भावाला स्टेम सेलसह (मूळ पेशी) दान करून अनोखा रक्षाबंधन सण साजरा केला.

वारंवार होणारे संसर्ग, वेदनादायी उपचार आणि फुफ्फुसांचे गंभीर नुकसान यामुळे त्याचे जीवन धोक्यात आले होते. अशा परिस्थितीत मूळ पेशी दान करण्याचा धाडसी निर्णय घेतला. त्याची बहिणही त्याच्यासाठी 100 टक्के एचएलए जुळणारी ठरली आणि तिने भावाला जीवदान दिले.