मुंबई : नोव्हेंबर महिना सुरू होण्यास आता काही दिवस शिल्लक राहिले आहेत. या महिन्यात देशभरातील बँका 11 दिवस बंद राहतील. यामध्ये आठवड्याच्या सुट्ट्या, म्हणजे सर्व रविवार आणि दुसरा आणि चौथा शनिवार यांचा समावेश आहे. म्हणून कोणत्याही महत्त्वाच्या कामासाठी बँकेत जाण्यापूर्वी, सुट्ट्यांची यादी तपासा.
या सुट्ट्या रिझर्व्ह बँक ऑफ इंडियाने जारी केलेल्या अधिकृत सुट्टीच्या कॅलेंडरनुसार निश्चित केल्या जातात. सुट्ट्या राज्यानुसार बदलू शकतात. त्यामुळे तुमच्या शहराचे सुट्टीचे कॅलेंडर तपासा. मात्र, ऑनलाइन बँकिंगवर परिणाम होणार नाही. इंटरनेट बँकिंग, मोबाइल ॲप्स, एटीएम, यूपीआय आणि एनईएफटी द्वारे आर्थिक व्यवहार केले जाऊ शकतात.
नोव्हेंबर 2025 बँक सुट्ट्यांची यादी
1 नोव्हेंबर-कर्नाटक राज्योत्सव
कर्नाटक राज्योत्सवासाठी कर्नाटकातील बँका 1 नोव्हेंबर रोजी बंद राहतील. दरम्यान, उत्तराखंडमध्ये इगास-बागवाल उत्सवामुळे त्याच दिवशी बँका बंद राहतील. दिवाळीनंतर 11 दिवसांनी हा उत्सव साजरा केला जातो.
साप्ताहिक सुट्ट्या
नोव्हेंबरमध्ये नियमित सुट्ट्यांचा भाग म्हणून 2, 8, 9, 16, 22, 23 आणि 30 नोव्हेंबर रोजी बँका बंद राहतील. शेअर बाजारही 11 दिवसांसाठी बंद
8 नोव्हेंबर - कनकदास जयंती
कनकदास जयंतीनिमित्त कर्नाटकात बँका बंद राहतील. कनकदास हे कवी, संत आणि समाजसुधारक होते. या दिवशी दुसरा शनिवार आहे, त्यामुळे देशभरातील बँका बंद राहतील.
5 नोव्हेंबर - गुरु नानक जयंती
5 नोव्हेंबर रोजी देशभरातील अनेक राज्यांमध्ये बँका बंद राहतील. हा दिवस गुरु नानक जयंती, कार्तिक पौर्णिमा आणि रास पौर्णिमा म्हणून साजरा केला जातो. दिल्ली, चंदीगड, मुंबई, जयपूर, लखनौ, कोलकाता, भोपाळ, रांची, देहरादून, जम्मू आणि हैदराबादसह अनेक शहरांमध्ये बँका बंद राहतील.
वंगाला उत्सव (मेघालय)
मेघालयातील गारो जमातीद्वारे साजरा केला जाणारा वंगाला उत्सव हा कापणीचा उत्सव आहे. हा राज्याचा पारंपारिक उत्सव आहे आणि या दिवशी शिलाँगमध्ये बँका बंद राहतील.
11 नोव्हेंबर ल्हाबाब दुचेन (सिक्कीम)
सिक्कीममध्ये 11 नोव्हेंबर रोजी ल्हाबाब दुचेन सण साजरा केला जाईल, जो बौद्ध धर्मातील प्रमुख सणांपैकी एक आहे. या दिवशी फक्त सिक्कीममध्ये बँका बंद राहतील.
