Water crisis : अंधेरी, वेसावे विभागात दोन दिवस पाणी नाही

मुंबई : अंधेरी (पश्चिम) येथील गोपाळकृष्ण गोखले पुलाखालील वांद्रे जलवाहिनीवरील 1,350 मिलीमीटर व्यासाची प्रवाह नियंत्रण झडप (फ्लो कंट्रोल वॉल्व्ह) दुरूस्ती आणि वेसावे जलवाहिनीवरील 900 मिलीमीटर व्यासाची फुलपाखरु झडप (बटरफ्लाय वॉल्व्ह) बदलण्याची कामे हाती घेण्यात येणार आहेत.

यामुळे गुरुवारी (19 जून) दुपारी 2 पासून शुक्रवारी (20 जून) मध्यरात्री 1 वाजेपर्यंत असे 11 तास हे काम करण्याचे नियोजन आहे. या कामादरम्यान संपूर्ण जलवाहिनीचा पाणीपुरवठा 11 तास बंद करावा लागणार आहे. के. पश्चिम विभागातील काही भागाचाही पाणीपुरवठा बंद राहणार आहे. नागरिकांनी पाण्याचा साठा करून ठेवावा, काटकसरीने पाणी वापरावे, असे आवाहन पालिकेने केले आहे.

पार्ले पश्चिम : लल्लूभाई उद्यान, लोहिया नगर, पार्ले गावठाण, मीलन भुयारी मार्ग (सबवे), जुहू विलेपार्ले विकास योजना (जे. व्ही. पी. डी. स्कीम), जुहू गावठाण क्रमांक 03, व्ही. एम. मार्ग, विलेपार्ले (पश्चिम). (नियमित पाणीपुरवठ्याची वेळ : दुपारी 2.30 ते सायंकाळी 4.30)

मोरागाव (जे. व्ही. पी. डी.) : मोरागाव, जुहू गावठाण क्रमांक 01 आणि 02, विलेपार्ले (पश्चिम) (नियमित पाणीपुरवठ्याची वेळ - दुपारी 2.30 ते सायंकाळी 4.30)

गिलबर्ट हिल, अंधेरी (पश्चिम) : जुहू गल्ली, धनगरवाडी, सागर सिटी सोसायटी, अंधेरी (पश्चिम).

नियमित पाणीपुरवठ्याची वेळ : रात्री 10.00 ते मध्यरात्री 12.30)