या याचिकेबद्दल बोलताना महाराष्ट्र बार असोसिएशनचे अध्यक्ष डॉ. राज पाटील म्हणाले की, राष्ट्रीय मागासवर्ग आयोगाचे अध्यक्ष हंसराज अहीर यांना आम्ही याचिकेची संपूर्ण माहिती दिली तसेच आमचे मत मांडले, आयोगाने आमचे मत ऐकले. राष्ट्रीय मागासवर्ग आयोगाच्या प्रक्रियेनुसार, आयोगाच्या वतीने आम्हाला सुनावणीसाठी बोलावण्यात येईल, तसेच आम्ही दाखल केलेल्या याचिकेत आवश्यक पुरावेही जोडले आहेत. मराठा-कुणबी, कुणबी-मराठा अशा नोंदी असलेली कागदपत्रेही सोबत जोडली आहेत. दरम्यान, मराठा समाजाचा ओबीसीमध्ये समावेश करावा, ही आमची मागणी असल्याचेही ते म्हणाले.
