मुंबई-गोवा महामार्गावरील बावनदी व अंजणारी पूल वाहतुकीसाठी बंद

रत्नागिरी; पुढारी वृत्तसेवा : मुसळधार पावसामुळे पाण्याच्या पातळीत सातत्याने वाढ होत आहे. त्यामुळे मुंबई-गोवा महामार्गावरील अंजणारी व निवळी-बावनदी पूल सायंकाळी साडेचार वाजाल्यानंतर बंद करण्यात आले आहेत. त्यामुळे महामार्गावरील वाहतूक ठप्प झाली आहे.

गेले दोन दिवस मुसळधार कोसळणार्‍या पावसामुळे काजळी नदी व बावनदी धोका पातळीवरुन वाहत आहे. पुलावरुन पाणी जाऊ लागल्यामुळे आता दोन्ही पूल वाहतुकीसाठी बंद करण्यात आले आहेत. पाण्याची पातळी कमी झाल्यानंतर महामार्गावरील वाहतूक पूर्ववत होईल असे प्रशासनाकडून सांगण्यात आले.