गुणरत्न सदावर्तेंना उचलताच पत्नी जयश्री पाटील गायब, मुंबई पोलिसांकडून शोध सुरू
मुंबई ; पुढारी वृत्तसेवा : राष्ट्रवादीचे नेते शरद पवार यांच्या घरावरील हल्ल्याप्रकरणी वकील सदावर्ते यांच्या पत्नी जयश्री पाटील यांच्याविरुद्ध एफआयआर दाखल करण्यात आला आहे. त्यामुळे मुंबई पोलिसांकडून जयश्री पाटील यांचा शोध सुरू आहे. (Mumbai Police)
सदावर्ते यांच्या अटकेनंतर दुसऱ्याच दिवशी त्यांच्या पत्नी जयश्री पाटील यांनी पोलिस संरक्षण सोडलं होतं. दरम्यान, जयश्री पाटील यांच्यावर गुन्हा दाखल करून मुंबई पोलिसांनी त्यांचा शोध सुरु केला आहे. मुंबई पोलिसांचे संरक्षण त्यांनी का सोडलं असा सवाल उपस्थित केला जात आहे.
एसटी कर्मचाऱ्यांचे वकील गुणरत्व सदावर्ते यांना अटक केल्यानंतर दुसऱ्याचं दिवशी हे संरक्षण सोडलं आहे. ९ तारखेला सदावर्ते यांना न्यायालयात हजर केलेल्या दिवसांपासून त्यांनी संरक्षण सोडलं होतं. वकील प्रदीप घरात यांनी न्यायालयात जयश्री पाटील यांचे नाव घेतल्यानंतर त्यांच्यावर पोलिसांकडून एफआयआर दाखल करण्यात आला होता.
सूत्रांनी दिलेल्या माहितीनुसार, बुधवारपासून त्यांच्याशी कोणताही संपर्क झालेला नसून त्यांचा मोबाईलही बंद आहे. पोलिसांनी युद्ध पातळीवर त्यांचा शोध सुरु केला आहे. (Mumbai Police)
