संजय राऊतांचा डोळा उद्धव ठाकरेंच्या खुर्चीवर; नारायण राणेंचा आरोप
मुंबई; पुढारी ऑनलाईन : शिवसेना खासदार संजय राऊत यांनी काल भाजपवर पत्रकार परिषद घेऊन तोफ डागल्यानंतर आज केंद्रीय मंत्री नारायण राणे प्रत्युत्तरासाठी पत्रकार परिषद घेतली. राणे यांनी संजय राऊतांना घाम का फुटला होता ? अशी विचारणा केली. संजय राऊत यांची परिस्थिती केविलवाणी परिस्थिती पाहिली असे राणे म्हणाले.
त्यांना आजपर्यंत शिवसेना भवन का आठवलं नाही ? संजय राऊतांना का घाम फुटला होता ?अशी विचारणा केली. नारायण राणे यांनी संजय राऊत यांनी पत्रकार परिषदेत वापरलेल्या शब्दांवरून टीका केली. मर्द आहे म्हणून सांगता, तर आम्ही कुठ विचारलं होत ?
नारायण राणे काय म्हणाले ?
- संजय राऊत यांचे शिवसेनेत योगदान नाही
- सेनेत पद नाही, मातोश्रीत कुणी नाही म्हणून राणेंना घाम फुटला
- शिवराळ भाषा म्हणजे मर्दानगी नव्हे
- संजय राऊतांचा तोल गेला, त्यांना उपचाराची गरज
- पत्रकार परिषद घेणे थांबवावे
- एवढे दिवस सेनाभवन का आठवले नाही
- संजय राऊत यांची लायकी आहे का
- विकासावर न बोलता काहीही बोलतात
- भाजपवर आरोप केल्यास उत्तरासह ईडीला पुरावे देऊ
- उद्धव ठाकरे सर्वात लाचार मुख्यमंत्री
