परभणी : शहरातील पोलीस मुख्यालय येथे कार्यरत असलेल्या नवीन नियुक्त पोलीस शिपायाला दुसऱ्या एका पोलिस कर्मचाऱ्यांने मारहाण केल्याची घटना घडली. मुख्यालय परिसरात गुरूवारी (दि.२) ही घटना घडल्याने परिसरात खळबळ उडाली. मारहाण करणारा कर्मचारी निलंबित असल्याची माहिती समोर आली आहे.
पोलीस मुख्यालय परिसरात कार्यरत असलेला आणि नुकताच काही महिन्यांपूर्वी निवड होऊन रूजू झालेल्या या कर्मचाऱ्याला एका निलंबित पोलिस कर्मचाऱ्याने मारहाण केली. या कर्मचाऱ्यांच्या डोक्यावर खोलवर जखमा झाल्या असून त्याच्यावर शासकीय रुग्णालयामध्ये उपचार सुरू आहेत. या अगोदर देखील संबंधित कर्मचाऱ्याविरोधात काही प्रकरणे समोर आल्याचा चर्चा मुख्यालयात सुरू आहे आणि त्यामुळे आता पोलीस अधीक्षक यावर नेमकी काय कारवाई करणार का? की पुन्हा त्याला अभय मिळणार? याकडे सर्वांचे लक्ष लागले आहे.
