Parbhani Mangrul Tanda youth dead
चारठाणा : जिंतूर तालुक्यातील मंगरूळ तांडा येथील दीपक हरिभाऊ राठोड (वय 19) हा तरुण चार दिवसांपूर्वी घरातून बाहेर पडला होता. नातेवाईकांनी सर्वत्र शोध घेतला, मात्र त्याचा मागमूस लागला नव्हता. या प्रकरणी बोरी पोलिस ठाण्यात हरवल्याची तक्रार दाखल करण्यात आली होती.
दरम्यान, दिनांक 14 सप्टेंबर रोजी सायंकाळी पाचच्या सुमारास सायखेडा शिवारातील गट क्रमांक 152 मधील शेतातील विहिरीत दीपक राठोड याचा मृतदेह तरंगताना आढळला. नातेवाईकांनी मृतदेह बाहेर काढून जिंतूर येथील शासकीय दवाखान्यात नेले असता डॉक्टरांनी मृत घोषित केले.
या प्रकरणी मृताचा भाऊ प्रदीप राठोड यांच्या खबरीनुसार चारठाणा पोलिस ठाण्यात आकस्मिक मृत्यूची नोंद करण्यात आली असून सहाय्यक पोलिस निरीक्षक सुनील अंधारे यांच्या मार्गदर्शनाखाली पोलीस उपनिरीक्षक बी. व्ही. झिंजुर्डे तपास करीत आहेत.
