चारठाणा : चारठाणा येथून मंठा येथे दुचाकीने जात असताना अज्ञात वाहनाने दुचाकीस धडक दिल्याने दुचाकीस्वार जागीच ठार झाल्याची घटना शनिवार दि. ८ सायंकाळी ६ वाजेच्या सुमारास घडली. अनिल गणेश सोनवणे (वय ३५) हा तरुण चारठाणा येथून मंठा येथे पल्सर मोटारसायकल क्रमांक एमएच १५ बि.एस.१२५३ वरून जात असताना अज्ञात वाहनाने धडक दिल्याने जागीच ठार झाला.
घटनेची माहिती पोलीसांना मिळताच सहाय्यक पोलीस उपनिरीक्षक एस.एन. थोरवे, पोहेका सुर्यकात केजगीर, रामकिशन कोंडरे, विष्णूदास गरूड, सुनिल वासलवार, हनुमान पावडे, आर.एस मगर, महामार्गचे बि. व्ही. गिराम, शिवाजी काळे, पोलीस मित्र, गजानन लांडगे वसीम इनामदार आदीनी घटनास्थळी भेट दिली. दरम्यान चारठाणा पोलीसांनी या घटनेची माहिती महामार्ग पोलीसांना दिल्यानंतर देवगाव फाटा येथे कर्तव्यावर असलेले बि. व्ही. गिराम, शिवाजी काळे यांनी एक कंटेनर पकडून चौकशीसाठी ताब्यात घेतले.
