Nanded Political News:Mukhed Municipal Council
विशेष प्रतिनिधी
नांदेड : मागील वर्षभरात मोठा गाजावाजा करत जिल्ह्यात पक्षविस्तार करणाऱ्या राष्ट्रवादी काँग्रेसने लोहा आणि कंधार नगर परिषदेत मोठा जोर लावलेला असताना शेजारच्या मुखेड नगरपरिषदेमध्ये मात्र या पक्षाचे पडघाळ बंद पडले. नगराध्यक्ष तसेच नगरसेवकपदासाठी या पक्षाला एकही उमेदवार मिळाला नाही. मुखेडचे दोन माजी आमदार या पक्षामध्ये सक्रिय आहेत; पण त्यांतील एकाच्या पुतण्याने भाजपाची उमेदवारी घेतली आहे.
काँग्रेसचे अविनाश घाटे तसेच शिवसेनेचे सुभाष साबणे हे दोन माजी आमदार, काँग्रेसच्याच माजी जि.प. अध्यक्ष वैशाली चव्हाण त्यांचे पती स्वप्नील व श्वशुर शेषराव चव्हाण तसेच जि.प.चे माजी सभापती व्यंकटराव गोजेगावकर है नेते आपल्या समर्थकांसह राष्ट्रवादी काँग्रेस पक्षात कार्यरत आहेत, चव्हाण परिवार तसेच साबणे यांच्या प्रवेशासाठी पक्षाध्यक्ष तथा उपमुख्यमंत्री अजित पवार हे मागील काळात मुखेड पुजारी क देगलुरला उसले विशेष होते; पण मुखेडच्या नेत्यांना नगरपालिका निवडणुकीसाठी बमेदवारांची जमवाजमव करता आली नाही. त्यामुळे या सवाँचे स्थानिक नेते आमदार प्रताप पाटील चिखलीकर, पक्षाचे जिल्हाध्यक्ष शिवराज होटाळकर यांची नाचकी झाली असून चिखलीकरांचे अनेक दावे फोल ठरले आहेत.
मुखेड मतदारसंघात भाजपाचे नेतृत्व आ.डॉ. तुषार राठोड यांच्याकडे आहे. त्यांनी नगराध्यक्ष तसेच नगरसेवक पदासाठी उमेदवारांची निवड करून प्रभागनिहाय नियोजनबद्ध प्रचार सुरू केला तर दुसरीकडे राष्ट्रवादीने मुखेडची जबाबदारी सुभाष साबणे यांच्यावर टाकली होती; पण अर्ज दाखल करण्याची मुदत संपेपर्यंत या पक्षातर्फे नगराध्यक्षपदाची निवडणूक लढविण्यास एकही इच्छुक समोर आला नाही, नगरसेवकपदासाठी या पक्षाकडून केवळ एकाने पक्षाचा 'बी फॉर्म' नेला, अशी माहिती समोर आली आहे.
माजी आमदार अविनाश घाटे हे मागील अनेक वर्षांपासून नांदेड-मुखेड अशी ये-जा करत राजकारण करतात. नगरपालिका निवडणुकीसंदर्भातील चर्चा त्यांच्या मुखेड येथील घरामध्येव झाल्या. निवडणूक प्रक्रियेदरम्यान पक्षाचे जिल्हाध्यक्ष मुखेडमधील हालचालींची सतत माहिती घेत होते. नगराध्यक्ष व इतर पदांसाठी उमेदवार उभे करा, अशी सूचना आ. चिखलीकरांकडून दिली जात होती; पण मुखेडच्या दोन माजी आमदारांना पक्षाचे घड्याळ सुरू ठेवता आले नाही. घाटे यांचे पुतणे हेमंत घाटे यांनी काकांच्या पक्षाला पसंती देण्याऐवजी भाजपाची उमेदवारी स्वीकारली.
मुख्खखेड नगर परिषदेच्या निवडणुकीत मित्रपक्षांपैकी कोणाशीती युती करायची नाही, अशी भूमिका भाजपा आमदार डॉ. तुषार राठोड यांनी सुरुवातीलाच घेतली. गेल्यावर्षी विधानसभा निवडणुकीत एकनाथ शिंदे यांच्या शिवसेनेने राठोड यांच्या विरोधातील बालाजी खतगावकर यांच्यासाठी काम केले होते. आता राष्ट्रवादीत असलेल्या घाटे, गोजेगावकर प्रभूतींनीही राठोड यांच्या विरोधातच प्रचार केला. या पाश्र्वभूमीवर शिंदे यांच्या शिवसेनेने मुरखेड नगर परिषदेत नगराध्यक्ष व सदस्य पदासाठी आपले उमेदवार स्वतंत्रपणे उभे केले आहेत. काँग्रेस पक्षाने नगराध्यक्षपदासह नगरसेवकपदासाठी १२ जागांवर उमेदवार दिले आहेत.
