देगलूर : तालुक्यातील नागराळ शिवारात एका शेतकऱ्याला त्याच्या शेतात बिबट्या दिसला असल्याने वन अधिकाऱ्यांच्या पथकाने घटनास्थळी पोहोचून ग्रामस्थांना जागरूक केले. तेलंगणाच्या शेजारच्या वनक्षेत्रात असलेल्या देगलूर तालुक्याच्या नागराळ गावात रविवारी (दि.१४) सकाळी एका शेतकऱ्याला त्याच्या शेतात एक बिबट्या फिरताना दिसला. त्यामुळे ग्रामस्थांमध्ये घबराट निर्माण झाली आहे.
ग्रामस्थांनी दिलेल्या माहितीनुसार, नागराळ येथील रहिवासी शेतकरी धनाजी बिरादार (३५) सकाळी ८.३० वाजता त्याच्या दुचाकीवरून गावाजवळील त्याच्या शेतात पोहोचले. तेव्हा तिथे त्यांना शेतात एक बिबट्या दिसला. ते घाबरले आणि गावात पोहोचून शेतात बिबट्या दिसल्याचे नागरिकांना सांगितले. गावप्रमुखांनी कामरेड्डी जिल्ह्यातील मदनूर वनक्षेत्राच्या अधिकाऱ्यांना ही माहिती दिली.
वन अधिकाऱ्यांच्या पथकाने तत्काळ नागराळ गाठून शेतांची पाहणी केली, परंतु तोपर्यंत बिबट्या दुसरीकडे गेला होता. वन अधिकाऱ्यांनी त्यांचा मोबाईल फोन नंबर ग्रामस्थांना शेअर केला आणि बिबट्या दिसला किंवा काही माहिती मिळाली तर कळवा असे आवाहन केले. दरम्यान गुरुवारी ११ सप्टेंबर रोजी संध्याकाळी मदनूरजवळील हैदराबाद बायपासजवळही एक बिबट्या दिसला असल्याचा व्हिडिओ सोशल मीडियावर तुफान व्हायरल झाला. यामुळे मदनुरसह देगलूरच्या नागरिकांत भीतीचे वातावरण निर्माण झाले आहे.
