नरसीफाटा: इस्लामचे धर्माचे प्रेषित हजरत मोहंमद पैगंबर यांच्या जयंतीनिमित्त नरसी (ता. नायगाव) येथे ईद-ए-मिलादुन्नबीच्या अनुषंगाने 'जुलूस ए मोहम्मदी' मोठ्या उत्साहात साजरी करण्यात आली. यावेळी जुलूसमध्ये मुस्लिम बांधव, लहान मुले, मुली वयोवृद्ध व परिसरातील समाजबांधव मोठ्या प्रमाणात सहभागी झाले होते. यावर्षाच्या जुलूसमध्ये मुस्लिम बांधवांनी लक्षणीय सहभाग नोंदविला.
दरवर्षीप्रमाणे यंदाही इस्लाम धर्मांचे अंतिम प्रेषित हजरत मोहम्मद पैगंबर यांच्या जयंतीनिमित्त शनिवारी (दि.७) नरसी येथे ईद-ए-मिलादुन्नबी मोठ्या उत्साहात साजरी करण्यात आली. नारे तकबीर, अल्हाह हू अकबरच्या जयघोषाने नरसी शहर दुमदुमली. जागोजागी सरबत, फळे, चॉकलेट, बिस्किट व पाणी बॉटल वाटप करण्यात आले. सकळी ८ वाजता दारुउलूम अहले सुन्नत नुरीया मुखेड रोड महेबुबनगर येथून जुलूस ए मोहम्मदीला प्रारंभ झाला. त्यानंतर हे जुलूस जुने गाव नरसी येथील हजरत खाकीशहावल्ली यांच्या दर्गाह येथे जाऊन फतेहखानी सलाम व दुवा झाल्यानंतर कार्यक्रमाची सांगता झाली.
जुलूस यशस्वी करण्यासाठी जुलूस कमेटीचे अध्यक्ष हाजी मैंनोदिन खुरेशी, उपाध्यक्ष मोहीयोदीन शेख, रिझवान खूरेशी, रफिक पठाण, एजास रझा, सलीम शेख, रफिक शेख, मौला शेख, सादिक युसुफसाब, माजीद भाई, युनूस भाई, आरीफ बागवान, अलीम शेख, इरफान भाई टिपू, साबेर शेख, इम्रान पठाण, सय्यद वसीम, सय्यद एजास, मुझामिल रझा यासह नवयुवकांनी मोठे परिश्रम घेतले.
यावेळी रामतीर्थ पोलीस ठाण्याचे सहाय्यक पोलीस निरीक्षक संकेत दिघे यांनी पोलीस बंदोबस्त ठेवला होता. भाजपचे श्रावण पाटील, राष्ट्रवादी काँग्रेसचे भास्कर पाटील, काँग्रेसचे संभाजी पाटील, सरपंच गजानन ऊर्फ पप्पू पाटील यांनी मुस्लिम बांधवांना ईदच्या शुभेच्छा दिल्या.
हेही वाचा
