Koli Mahadev community's eight-hour sit-in protest for caste certificate
निलंगा, पुढारी वृतसेवाः कोळी महादेव समाजास जात प्रमाणपत्र देण्यात यावे मागणीसाठी निलंगा येथे सुरू असलेल्या अन्नत्याग आंदोलनांतर्गत रविवारी सकल कोळी महादेव समाजाने निलंगा उपविभागीय कार्यालयासमोर आठ तास ठिय्या आंदोलन केले. त्यांनी सरकार व प्रशासनाच्या विर-ोधात घोषणा दिल्या.
आंदोलनस्थळीच जातीचे प्रमाणपत्र दिल्याशिवाय आम्ही येथून उठणार नाही असा पवित्रा त्यांनी घेतला. जातीचे प्रमाणपत्र आंदोलन स्थळी निर्गमित केल्यानंतर मंगळवारी (दि, २९) उपोषण सोडण्यात येणार असल्याचे आंदोलनकर्ते चंद्रहास नलमले यांनी यावेळी जाहीर केले.
या आंदोलनामध्ये गावागावातून महिला, पुरुष, विद्यार्थी, युवक, युवती मोठ्या संख्येने सहभागी झाले होते. उद्यापासून जातीच्या प्रमाण-पत्राचे वितरण करू अशी आश्वासन कोळी महादेव समाजाच्या शिष्टमंडळाला प्रशासनाने दिली असून सर्व तहसीलदार सेतू सुविधा केंद्राची बैठक घेऊन योग्य प्रस्ताव दाखल करण्याबाबत सूचना दिली आहे असे सांगण्यात आले.
परंतु उपोषणकर्तेर्त्यांनी मागण्या मान्य झाल्याशिवाय आम्ही उपोषण सोडणार नाही असा पवित्रा घेतला. या ठिय्या आंदोलनामुळे शहरातील वाहतूक विस्कळीत झाली होती हातामध्ये फलक घेऊन लहान चिमूकलेही उपोषणाच्या ठिकाणी दाखल झाले होते. यावेळी लातूर, बीड, परभणी, नांदेड, धाराशिव, छत्रपती संभाजीनगर यासह अन्य जिल्ह्यामधून मोठ्या प्रमाणात पदाधिकारी उपस्थित होते.
