Anushka Patole death case: Massive protest in Latur
लातूर, पुढारी वृतसेवा : नवोदय विद्यालयातील विद्यार्थिनी अनुष्का पाटोळे हिच्या मृत्यूप्रकरणी सकल मातंग समाज व विविध संघटनांच्या वतीने लातूर येथे जुन्या जिल्हाधिकारी कार्यालयावर सोमवारी (दि.१६) मोर्चा काढण्यात आला.
मोर्चामध्ये सामील अनुष्काच्या आईने आक्रोश करीत मुलीने आत्महत्या केली नसून तिचा खून झाल्याचा आरोप केला. अनुष्काला न्याय मिळावा, प्रकरणाची आत्महत्येकडे वळ-वणारी भूमिका थांबवावी आणि जबाबदार अधिकाऱ्यांवर कारवाई करावी, अशा मागण्या यावेळी करण्यात आल्या.
कुटुंबीयांच्या मते, अनुष्काच्या मृत्यूला आत्महत्या म्हणण्यासाठी कोणताही ठोस पुरावा नसून पोलिसांनी खुनाच्या अनुषंगाने चौकशी करावी, अशी मागणी करण्यात आली. मोर्चेकऱ्यांनी प्रशासनाल दिलेल्या निवेदनात या प्रकरणी माजी न्यायाधीशांच्या अध्यक्षतेखाली निष्पक्ष चौकशी समिती स्थापन करणे, प्रकरण फास्टट्रॅक न्यायालयात चालवणे, संबंधित पदाधिकाऱ्यांची चौकशी करून आर-ोपींवर कठोर कारवाई करणे, एसआयटी प्रमुख तपास अधिकारी बदलणे, मोबाईल सीडीआर तपासणे, अनुसूचित जाती-जमाती अत्याचार प्रतिबंधक कायद्याची काटेकोर अंमलबजावणी करणे आणि दोषींना कठोर शिक्षा देणे या प्रमुख मागण्यांचा समावेश आहे. मोर्चाचे नेतृत्व माजी नगरसेवक जी. ए. गायकवाड आणि सुरेश चव्हाण यांनी केले. आंदोलन शांततेत पार पडले. न्याय मिळेपर्यंत संघर्ष सुरू राहणार असल्याचा इशारा आंदोलकांनी दिला.
