The Mahavistar AI app makes farming more scientific and profitable: K. L. Ghanwat
घनसावंगी, पुढारी वृत्तसेवा :
शेतकऱ्यांसाठी आधुनिक तंत्रज्ञानाचा प्रभावी वापर व्हावा, या उद्देशाने कृषी विभागाच्या वतीने सुरू करण्यात आ-लेले 'महाविस्तार एआय' मोबाईल अॅप शेती व्यवसाय अधिक वैज्ञानिक, नियोजनबद्ध व फायदेशीर ठरण्यास उपयुक्त ठरत आहे, असे प्रतिपादन मंडळ कृषी अधिकारी के. एल. घनवट यांनी केले.
घनसावंगी तालुक्यातील मच्छिंद्रनाथ चिंचोली येथे कृषी विभागाच्या वतीने महाविस्तार एआय अॅपबाबत माहिती व मार्गदर्शन कार्यक्रमाचे आयोजन करण्यात आले होते. यावेळी सहायक कृषी अधिकारी पी. एस. काळे यांच्या उपस्थितीत शेतकऱ्यांना अॅपच्या वापराबाबत सविस्तर माहिती देण्यात आली.
महाविस्तार एआय अॅपमध्ये पीकसंरक्षण, हवामान अंदाज, खत व्यवस्थापन, बियाणे निवड, रोग व कीड नियंत्रण तसेच बाजारभाव यांसारख्या महत्त्वाच्या सुविधांचा समावेश आहे. विशेष म्हणजे एआय तंत्रज्ञानावर आधारित चॅटबॉटच्या माध्यमातून पिकांवरील समस्यांनुसार शेतकऱ्यांना तत्काळ व अचूक सल्ला मिळतो, ही या अॅपची मोठी जमेची बाजू आहे. यावेळी शेतकऱ्यांची उपस्थिती होती.
