Seven people who played 'Janna Manna' gambling were arrested, 70,000 worth of valuables were seized
जालना, पुढारी वृत्तसेवा : धावेडी (ता. जालना) येथे सुरू असलेल्या पत्त्याच्या जुगार अड्ड्यावर स्थानिक गुन्हे शाखेच्या पथकाने धडक कारवाई करून सातजणांना जेरबंद केले. बुधवार, दि. ५ रोजी केलेल्या कारवाईत रोख रक्कम, जुगाराचे साहित्य व अन्य मिळून ७० हजार ३० रुपयांचा मुद्देमाल जप्त करण्यात आला.
धावेडी येथे सार्वजनिक ठिकाणी लिंबाच्या झाडाखाली वर्तुळ करून पैशावर 'झन्ना मन्ना' नावाचा जुगार खेळत असल्याची गोपनीय माहिती मिळाली होती. त्यानुसार पोलिसांनी घटनास्थळी छापा टाकला. कारवाईदरम्यान कृष्णा भगवान लष्कर (२८), विकास प्रभाकर विटेकर (३०), गणेश विठ्ठल लष्कर (२२), कृष्णा अशोक विटेकर (२८), रमेश साहेबराव लष्कर (५४), संतोष पंडित लष्कर (३०) आणि कृष्णा नामदेव लष्कर (२१) यांना ताब्यात घेण्यात आले.
त्यांच्या ताब्यातून रोख रक्कम व जुगाराचे साहित्य असा एकूण ७० हजार ३० रुपयांचा मुद्देमाल जप्त करण्यात आला. ही कारवाई स्थानिक गुन्हे शाखेचे पोलिस निरीक्षक पंकज जाधव यांच्या मार्गदर्शनाखाली सपोनि. खामगळ, पोउनि. वाघ, पोहेकॉ. गोपाल गोशीक, पोहेकॉ. देविदास भोजने, पोना. शिवप्रसाद एखंडे, पोकॉ. भागवत खरात, पोकॉ. वसंत धस आर्दीनी केली.
