Jalna theft case : घरफोडीतील फरार आरोपीच्या पोलिसांनी आवळल्या मुसक्या

जालना ः तालुका जालना पोलिस ठाण्याच्या हद्दीत घरफोडीच्या दोन गुन्ह्यांमध्ये फरार असलेल्या आरोपीला कदीम जालना पोलिसांच्या पथकाने जेरबंद करण्यात यश मिळवले आहे.

गांधी चमन परिसरात घरफोडीतील फरार आरोपी फिरत आहे. अशी माहिती मिळताच पोलिसांनी फरार झालेला संशयित आरोपी तकदीरसिंग टिड्डुसिंग टाक (रा. गुरुगोविंदसिंग नगर, जालना) यास शुक्रवारी सकाळी गांधी चमन, जुना जालना परिसरात फिरत असताना ताब्यात घेतले. तकदीरसिंग यास तालुका जालना पोलिसांच्या स्वाधीन केले.

ही कारवाई कदीम जालना पोलिस ठाण्याचे पोलिस निरीक्षक जे. बी. शेवाळे, जमादार सचिन चौधरी, सदा राठोड, बाबा गायकवाड, मतीन शेख यांनी केली.